امریکا نے سندیپ لمی چانے کو ویزہ دینے سے انکار کردیا

واشنگٹن (اُردو پوائنٹ اخبارتازہ ترین - این این آئی۔ 22 مئی2024ء) امریکا نے ٹی20 ورلڈ کپ کیلیے نیپالی کرکٹر سندیپ لمی چانے کو ویزہ دینے سے انکار کردیا۔سندیپ لمی چانے نے ٹی20 ورلڈ کپ 2024 میں نیپالی کرکٹ ٹیم کی نمائندگی کرنا تھی۔

(جاری ہے)

سماجی رابطے کی ویب سائٹ پر سندیپ لمی چانے نے ویزہ مسترد کرنے کے امریکی اقدام سے اپنے مداحوں کو آگاہ کیا۔نیپالی کرکٹر کو گزشتہ برس جنسی زیادتی کے الزام میں سزا ہوئی تھی جبکہ گزشتہ دونوں ایک اور عدالت نے سندیپ کو الزامات سے بری کردیا تھا۔نیپالی بورڈ نے الزامات سے بری ہونے کے بعد سندیپ لمی چانے کو ٹی20 ورلڈ کپ 2024 کیلئے قومی اسکواڈ کا حصہ بنایا تھا۔