سمرگیمز، والی بال ٹرائلز(کل ) نشترپارک سپورٹس کمپلیکس میں ہوں گے

لاہور (اُردو پوائنٹ اخبارتازہ ترین - اے پی پی۔ 24 مئی2024ء) ڈائریکٹرجنرل سپورٹس پنجاب پرویز اقبال کی ہدایت پر سمر گیمز 2024 کیلئے والی بال لاہور ڈویژن کے ٹرائلز (کل) بروز ہفتہ 25 مئی کو بمقام جمنازیم ہال نشتر پارک سپورٹس کمپلیکس میں ہوں گے۔

(جاری ہے)

ٹرائلز میں لاہور ڈویژن کے تمام اضلاع قصور، شیخوپورہ،ننکانہ صاحب اور لاہور کے تمام کھلاڑی شرکت کریں گے،ٹرائلز کی نگرانی ڈویژنل سپورٹس آفیسر لاہور رانا ندیم انجم کریں گے۔ٹرائلز میں انڈر30 کھلاڑی بمعہ شناختی کارڈ شریک ہوں گے،ٹرائلز میں سمر گیمز 2024 کیلئے لاہور ڈویژن کی والی بال ٹیم کیلئے کھلاڑیوں کا چنائو کیا جائے گا،اس طرح پنجاب کے تمام ڈویژنز کی ٹیموں کیلئے ٹرائلز اپنے ڈویژن میں 25 اور 26 مئی کو ہو رہے ہیں۔