برون میڈل جیت کر پاکستان کا نام روشن کرنیوالے کھلاڑی کا اپنے آبائی شہر پہنچنے پر شاندار استقبال

بھلوال (اُردو پوائنٹ اخبارتازہ ترین - این این آئی۔ 27 مئی2024ء) ایشین ماس ریسلنگ چیمپین شپ میں برون میڈل جیت کر پاکستان کا نام روشن کرنے والے کھلاڑی کا اپنے آبائی شہر بھلوال پہنچنے پر شاندار استقبال کیا گیا ۔تفصیلات کے مطابق ازبکستان میں منعقدہ ایشین ماس ریسلنگ چیمپن شپ میں بھلوال پاور جم کے کھلاڑی علی رضا نے شاندار کارکردگی کا مظاہرہ کرتے ہوئے برون میڈل حاصل کرکے پوری دنیا میں پاکستان کا نام روشن کر دیا ۔

(جاری ہے)

ہونہار کھلاڑی علی رضا نے نہ صرف ملکی سطح پر مسلسل کامیابیاں حاصل کی ہیں بلکہ نامساعد حالات کے باوجود پوری دنیا میں پاکستان کا نام روشن کرنے میں پیش پیش رہا ہے ۔ازبکستان میں منعقدہ چیمپین شپ میں بروان میڈل حاصل کرنے کے بعد آبائی شہر بھلوال پہنچنے پر کھلاڑیوں نے ان کا شاندار استقبال کیا۔اس موقع پر کوچ حاجی انصر اقبال نے کہا کہ بھلوال کے کھلاڑیوں میں بہت ٹیلنٹ ہے اگر حکومت ماس ریسلنگ کے کھلاڑیوں کو سہولتیں دیں اور ان کی سرپرستی کرے تو یہ کھلاڑی پوری دنیا پر سبز ہلالی پرچم بلند کرکے پاکستان کا نام روشن کرنے کی صلاحیت رکھتے ہیں۔