پہلی سپرلیگ ویمن تھرو بال کی تیاریوں کے سلسلے میں آرگنائزنگ کمیٹی کا اجلاس (کل)ہوگا

اسلام آباد (اُردو پوائنٹ اخبارتازہ ترین - اے پی پی۔ 30 اپریل2025ء) پہلی سپرلیگ ویمن تھرو بال کی تیاریوں کے سلسلے میں آرگنائزنگ کمیٹی کا اجلاس (کل) جمعرات کو کراچی میں ہوگا۔ اجلاس کی صدارت چیئرمین آرگنائزنگ کمیٹی مقبول آرائیں کریں گے۔ پاکستان تھرو بال فیڈریشن کے زیر اہتمام پہلی سپرلیگ ویمن تھرو بال 9 مئی سے کراچی میں شروع ہو گی۔ لیگ میں ملک بھر سے ٹیمیں حصہ لیں گی۔

(جاری ہے)

لیگ میں شرکت کرنے والی ٹیموں کے عہدیدار اپنی، اپنی ٹیموں کی رجسٹریشن 3 مئی تک کروا سکتے ہیں اور لیگ 11 مئی تک جاری رہے گی۔ لیگ کی فاتح ٹیم کے لئے 30 ہزار روپے کی انعامی رقم بمعہ ونر ٹرافی رکھی گئی ہے جبکہ دوسری پوزیشن حاصل کرنے والی ٹیم کو 15 ہزار روپے بمعہ رنر اپ ٹرافی سے نوازا جائے گا۔ لیگ کے دوران اچھی کارکردگی دکھانے والی خواتین کھلاڑیوں کو قومی ٹیم میں شامل کیا جائے گا جو کہ بین الاقوامی سطح پر پاکستان کی نمائندگی کریں گی۔