سکواش کےفروغ کے لیے دسمبرمیں کوئٹہ میں انٹرنیشنل سکواش ٹورنامنٹ منعقد کیا جاے گا،زبیرجہان خان

کوئٹہ (اُردو پوائنٹ اخبارتازہ ترین - اے پی پی۔ 14 مئی2025ء) انٹرنیشنل سکواش پلیئرسابق ورلڈ چیمپئن زبیر جہان خان نے کہا ہے کہ بلوچستان میں سکواش کے فروغ کے لیے دسمبر میں کوئٹہ میں بین الاقوامی طرز کا سکواش ٹورنامنٹ منعقد کیا جاے گا تاکہ بلوچستان میں سکواش کے بین الاقوامی کھلاڑی شرکت کریں۔میرے فیملی کے تین افراد سکواش میں عالمی چیمپئن رہے ہیں۔

یہ بات انہوں نے بدھ کو کوئٹہ پریس کانفرنس میں قسیم خان کاکٹرعمران خان ہزارہ و دیگر کے ہمراہ کہی۔انٹرنیشنل سکواش پلیئرسابق ورلڈ چیمپئن زبیر جہان خان نے کہا کہ میں کوئٹہ کا رہایشی ہوں اور اپنے شہر کوئٹہ میں سکواش کو پرموٹ کرنا چاہتا ہوں کیونکہ بلوچستان میں سکواش سے متعلق بہت ٹیلنٹ ہے اور مقامی کھلاڑیوں کا جذبہ قابل ستائش ہے۔

(جاری ہے)

ہم نے دسمبر میں کوئٹہ میں انٹرنیشنل سکواش ٹورنامنٹ منعقد کرنے کا فیصلہ کیا ہے۔ وزیراعلی بلوچستان اور محکمہ کھیل کے حکام ہمارے ساتھ تعاون کریں۔انہوں نے کہا کہ بلوچستان میں سکواش کے بین الاقوامی کھلاڑیوں کو شرکت کی دعوت دیں گے ،میری فیملی کے تین افراد سکواش کھیل میں عالمی چیمپئن رہے ہیں۔کوئٹہ میں مرد کھلاڑیوں کے ساتھ ساتھ خواتین کھلاڑیوں کا آگے آنا قابل ستائش ہے۔

کوئٹہ میں سکواش سے متعلق وسائل نہیں ہیں۔سکواش صحت مند سرگرمیوں میں سر فہرست ہے اس موقع پر قسیم خان کاکٹرنے کہا کہ سکواش فیڈریشن کے انتخابات ناگزیر ہیں۔سکواش ایسوسی ایشن کو جلد بحال کیا جائے کیونکہ ماضی میں سکواش کی نمائندگی صرف بلوچستان سے تھی مگر اب صرف چند لوگ ایسوسی ایشن پر قابض ہیں اس لیے ہم مطالبہ کرتے ہیں کہ حکومت کی نگرانی میں سکواش فیڈریشن کے انتخابات کرائے جائیں ۔