ڈونلڈ ٹرمپ کا امریکا میں فٹ بال کا نام تبدیل کرنے کا صدارتی حکم نامہ جاری کرنے کا اعلان

نیوجرسی (اُردو پوائنٹ اخبارتازہ ترین - اے پی پی۔ 16 جولائی2025ء) امریکی صدر ڈونلڈ ٹرمپ نے طنزیہ انداز میں انکشاف کیا کہ وہ ایک صدارتی حکم جاری کر سکتے ہیں جس میں امریکیوں کو "ساکر" کی بجائے "فٹ بال" کی اصطلاح استعمال کرنے پر زور دیا جائے گا جیسا کہ دنیا کے بیشتر ممالک میں ہوتا ہے۔ٹرمپ نے نیو جرسی کے میٹ لائف سٹیڈیم میں کلب ورلڈ کپ کے فائنل میں شرکت کے بعد توجہ مبذول کروائی کہ رواں ہفتے وہ باضابطہ طور پر اس مشق کو تبدیل کر سکتے ہیں۔

نیو جرسی کے میٹ لائف سٹیڈیم میں کلب ورلڈ کپ کے فائنل میچ میں برطانوی فٹ بال کلب چیلسی کی ٹیم نے فرانسیسی کلب کی ٹیم پیرس سینٹ جرمین با آسانی 0-3 گول سے ہرا کر میگا ایونٹ جیت لیا تھا۔ٹرمپ کا یہ بیان ڈی اے زیڈ این کے ساتھ ایک انٹرویو کے دوران آیا، جہاں انہوں نے اس نتیجے کو کچھ حیران کن قرار دیا۔

(جاری ہے)

ملک میں کھیل کا نام تبدیل کرنے کے لئے صدارتی حکم جاری کرنے کے امکان کے بارے میں ایک سوال کے جواب میں ڈونلڈ ٹرمپ نے ہنستے ہوئے جواب دیا کہ "مجھے لگتا ہے کہ یہ بدل سکتا ہے ۔

ڈونلڈ ٹرمپ نے نوٹ کیا کہ فائنل میں ان کی شرکت فیفا کے صدر گیانی انفین ٹینو کی دعوت پر ہوئی تھی، جنہیں انہوں نے پرانا دوست قرار دیا تھا اور امریکا میں فٹ بال کی ترقی پر اپنی خوشی کا اظہار کیا تھا۔امریکی صدر نے مزید کہا کہ کھیلوں میں لوگوں کو متحد کرنے کی غیر معمولی صلاحیت ہے، اس بات کا ذکر کرتے ہوئے کہ خاص طور پر فٹ بال، دنیا کے سب سے مقبول کھیل کے طور پر "مخالف ممالک کو ایک میز پر اکٹھا کر سکتا ہے۔