قومی ہاکی ٹیم کے کھلاڑیوں کے ڈیلی الاؤنس کی مد میں 90 لاکھ روپے واجب الادا

لاہور (اردو پوائنٹ تازہ ترین اخبار ۔ 14 اگست 2025ء ) قومی ہاکی ٹیم کے کھلاڑیوں کے ڈیلی الاؤنس کی مد میں 90 لاکھ روپے واجب الادا ہیں ۔

نجی ٹی وی چینل جیو نیوز کے مطابق ذرائع کا کہنا ہے کہ کھلاڑی انٹرنیشنل ڈیلی کے لگ بھگ ساڑھے 4 لاکھ روپے کا منتظر ہیں، قومی کھلاڑیوں کو لوکل ڈیلی الاؤنس کے بھی پورے پیسے نہیں دیئے گئے، قومی کھلاڑیوں کو 3 ہزار روپے کی بجائے 2500 روپے کے حساب سے ڈیلی الاؤنس دیا گیا۔

(جاری ہے)

 

کھلاڑیوں نے سوال کیا کہ جو فیڈریشن کھلاڑیوں کے 90 لاکھ روپے ادا کرنے کے اہل نہیں اس سے کیا توقع رکھیں، پروہاکی لیگ میں شرکت ضروری ہے، لیکن اس کے ساتھ پلیئرز ویلفیئرز پر بھی کام کریں، پلیئرز ویلفیئر ترجیح ہو گی تو وہ بین الاقوامی مقابلوں میں مزید اچھا کھیلیں گے، کھلاڑیوں کو 30 ہزار روپے ڈیلی الاؤنس ملتا ہے، 15 روز کی ڈیلیز واجب الادا ہیں۔