ابرار احمد نے آسٹریلیا کیخلاف کفایتی ترین بائولنگ سپیل کا 40 سالہ ملکی ریکارڈ برابر کردیا

آسٹریلیا کیخلاف تیسرے اور فیصلہ کن ون ڈے میں سپنر نے 10 اوورز میں محض 19 رنز دے کر 2 وکٹیں حاصل کیں

ذیشان مہتاب جمعہ 5 جون 2026 15:25

ابرار احمد نے آسٹریلیا کیخلاف کفایتی ترین بائولنگ سپیل کا 40 سالہ ملکی ریکارڈ برابر کردیا

لاہور (اردو پوائنٹ تازہ ترین اخبار ۔ 5 جون 2026ء ) قومی ٹیم کے مسٹری سپنر ابرار احمد نے آسٹریلیا کیخلاف کفایتی ترین بائولنگ سپیل کا 40 سالہ ملکی ریکارڈ برابر کردیا۔

گزشتہ روز قذافی سٹیڈیم، لاہور میں آسٹریلیا کیخلاف تیسرے اور فیصلہ کن ون ڈے میں ابرار احمد نے شاندار بائولنگ سپیل کرتے ہوئے اپنے مقررہ 10 اوورز میں محض 19 رنز دے کر 2 وکٹیں حاصل کیں۔

(جاری ہے)

ان کا اکانومی ریٹ صرف 1.90 رہا اور اس کے ساتھ ہی 27 سالہ سپنر نے کسی بھی پاکستانی بائولر کی جانب سے آسٹریلیا کیخلاف کفایتی ترین بائولنگ سپیل کا سابق آف سپنر توصیف احمد اور سعید اجمل کا ریکارڈ برابر کردیا۔

توصیف احمد نے 1986ء میں آسٹریلیا کیخلاف اپنے 10 اوورز میں 19 رنز دے کر 2 وکٹیں لی تھیں جب کہ سعید اجمل نے 2009ء میں ابوظہبی میں اپنے 10 اوورز کے سپیل میں 19 رنز دے کر 2 کھلاڑی پوویلین بھیجے۔

وقت اشاعت : 05/06/2026 - 15:25:30