شادی کے بعد کرسٹیانو رونالڈو کا نیا ہیئر سٹائل وائرل

کرسٹیانو رونالڈو سعودی پرو لیگ کے نئے سیزن کی تیاریوں کے لیے ریاض پہنچ گئے ہیں

ذیشان مہتاب ہفتہ 15 اگست 2026 11:09

شادی کے بعد کرسٹیانو رونالڈو کا نیا ہیئر سٹائل وائرل

ریاض (اردو پوائنٹ تازہ ترین اخبار ۔ 15 اگست 2026ء ) پرتگال کے سٹار فٹ بالر کرسٹیانو رونالڈو نے اپنی دیرینہ ساتھی جارجینا روڈریگز سے شادی کے چند روز بعد نئے ہیئر اسٹائل کے ساتھ النصر کلب میں واپسی کی ہے۔

رپورٹس کے مطابق کرسٹیانو رونالڈو سعودی پرو لیگ کے نئے سیزن کی تیاریوں کے لیے ریاض پہنچ گئے ہیں۔

رونالڈو نے سوشل میڈیا پر ٹریننگ کی تصاویر بھی شیئر کیں، جبکہ النصر نے بھی ان کی آمد کے بعد تصویر جاری کی۔

41 سالہ رونالڈو نے انسٹاگرام اسٹوری پر النصر کے رنگوں کی نمائندگی کرتے ہوئے پیلے اور نیلے رنگ کے دائرے والے ایموجیز کے ساتھ تصویر شیئر کی، تاہم مداحوں کی توجہ ان کے نئے ہیئر اسٹائل نے حاصل کی۔

رونالڈو نے اپنے روایتی گہرے بھورے بالوں کے بجائے بالوں کو سنہری اور کاپر رنگ میں رنگا ہوا تھا، جیل سے سیٹ کیے گئے نئے بالوں نے انہیں میدان میں بھی نمایاں نظر آنے کا نیا انداز دے دیا ہے، رونالڈو نے مختصر آستین کی ٹی شرٹ، گلے میں چین اور قیمتی گھڑی پہن رکھی تھی۔

(جاری ہے)

رونالڈو کے نئے روپ پر سوشل میڈیا صارفین نے دلچسپ تبصرے کیے۔

ایک صارف نے لکھا کہ شادی شدہ رونالڈو پہلے ہی مختلف نظر آرہے ہیں۔ ایک اور مداح نے انہیں فریش قرار دیا، جبکہ بعض صارفین نے ان کے نئے ہیئر اسٹائل کو ارجنٹائن کے فٹبالر الیخاندرو گارناچو اور امریکی گلوکار ایمینیم سے بھی تشبیہ دی۔

وقت اشاعت : 15/08/2026 - 11:09:08