نو جوان نسل اور سوشل میڈیا کا استعمال

 سوشل میڈیا جس نے بہت جلد ہی پرنٹ اور الیکٹرونک میڈیا کے درمیان اپنی جگہ بنا لی ہے۔
یہ کہنا غلط نہ ہوگا کہ آج کا دور سوشل میڈیا کا دور ہے۔سوشل میڈیا صارفین  کا تعلق ہر عمر کے افراد سے ہے۔کیوں کہ یہ سب کے  لیے مختلف اعتبار سے دلچسپ ہے اور اس کی رسائی اب مشکل نہیں رہی۔
  نوجوان نسل کے لیے سوشل میڈیا  کسی  جادو سے کم نہیں جو کہ ان کے لیے رات و رات شہرت اور آسان ذریعہ معاش بن گیا ہے۔

نو جوان نسل کی ایک بڑی اکثریت مختلف ایپس پر مختلف کونٹنٹ اور ویڈیوز بنا رہے ہیں ۔
سوشل میڈیا پر شہرت کا جنون  دنیا بھر میں کئی نو جوانوں کی جان لے چکا ہے ۔دوسروں سے انوکھا کر کے کچھ  دیکھانے کی یہ کوشش ان کے حواس پر اس شدت سے طاری ہوجاتی ہے  کہ ان میں صحیح غلط کا فہم نہیں رہتا۔

(جاری ہے)

ان میں اکثر معاشرے کے بگاڑ کا بھی سبب بن رہے ہیں ۔

جس نے نوجوان نسل میں زندگی کے مقاصد اور محنت  کے اصل معنی بدل دیے ہیں۔آج کتاب دوستی کا فقدان عام ہے۔ نوجوان نسل کو کسی بھی ملک کا سرمایہ سمجھا جاتا ہے۔جس سے اس کی ترقی اور بہتر مستقبل وابستہ ہوتا ہے۔
جب نوجوان نسل میں زندگی کے اصل مقاصد کا ادراک نہیں ہوگا۔
اور اگر یہ قیمتی سرمایہ سوشل میڈیا  ایپس میں گم ہو جائے تو یہ لمحہ فکریہ ہے۔
ضروت اس امر کی ہے کہ نوجوانوں کو سوشل میڈیا کے صحیح استعمال کا شعور دیا جائے۔تاکہ وہ اپنے وقت اور صلاحیتوں کا صحیح استعمال کر سکیں۔جس سے نہ صرف ان کا مستقبل اچھا ہو بلکہ وہ فعال اور ذمہ دار  شخص کی حیثیت سے ملک کی ترقی میں بھی اپنا کردار ادا کر سکیں۔