پاکستان میں نیوکلیئر پاور پلانٹس کیلئے 6 جگہوں کو منتخب کر لیا گیاہے ، عابد شیر علی ،پاکستان کو بدترین توانائی بحران کا سامنا ہے،قابو پانے کیلئے اقدامات کر رہے ہیں ، وزیر مملکت پانی و بجلی کا تقریب سے خطاب

بدھ 4 دسمبر 2013 19:48

اسلام آباد(اُردو پوائنٹ اخبار تازہ ترین۔4دسمبر۔2013ء) وزیر مملکت برائے پانی و بجلی عابد شیر علی نے کہا ہے کہ پاکستان میں نیوکلیئر پاور پلانٹس کیلئے 6 جگہوں کو منتخب کر لیا گیا،پاکستان کو بدترین توانائی بحران کا سامنا ہے،قابو پانے کیلئے اقدامات کر رہے ہیں۔بدھ کو کوریا ساؤتھ ایشیاء فورم سے خطاب میں وزیر مملکت نے کہاکہ پاکستان کو بدترین توانائی بحران کا سامنا ہے جس پر قابو پانے کیلئے اقدامات کر رہے ہیں۔

(جاری ہے)

انہوں نے دعویٰ کیا کہ 2017ء تک ملک سے لوڈشیڈنگ کا خاتمہ کر دیں گے۔توانائی بحران نے عوام اور معیشت کو بری طرح متاثر کیا ہے،توانائی بحران پر قابو پانے کیلئے طویل مدتی اور قلیل مدتی منصوبوں پر کام جاری ہے۔خصوصی انرجی پارک اور نئے ہائیڈل پراجیکٹ شروع کر رہے ہیں۔پاکستان میں نیوکلر پاور پلانٹس کیلئے 6 جگہ منتخب کر لی گئیں ہیں۔انہوں نے کہاکہ پاکستان میں 60 ہزار میگاواٹ ہائیڈٰرو پاور پیدا کی جا سکتی ہے۔

Facebook Twitter Google + Share on Whatsapp

متعلقہ عنوان :

مزید اہم خبریں