وزیر اعظم آزادکشمیرکی مقبوضہ کشمیر میں زیر حراست شہادتوں ،نوجوان نسل کی گمشدگیوں و بھارتی فوجیوں کے کر عورتوں اور بچوں پر تشدد پر گہری تشویش کا اظہار،بھارتی حکمرانوں کی شدید مذمت
جمعہ 18 ستمبر 2015 17:03
اسلام آباد(اُردو پوائنٹ اخبار تازہ ترین۔ 18 ستمبر۔2015ء) وزیر اعظم آزاد حکومت ریاست جموں وکشمیر چوہدری عبدالمجیدنے مقبوضہ کشمیر میں زیر حراست شہادتوں اور نوجوان نسل کی گمشدگیوں اور بھارتی فوجیوں کی طرف سے گھروں میں گھس کر عورتوں اور بچوں پر تشدد پر گہری تشویش کا اظہار کرتے ہوئے بھارتی حکمرانوں کی شدید مذمت کرتے ہوئے انسانی حقوق کی عالمی تنظیموں سے اپیل کی کہ وہ مقبوضہ کشمیر میں بھارت کو انسانیت کے قتل عام سے باز رکھے۔
وزیر اعظم آزاد کشمیر نے حریت قیادت میر واعظ عمر فاروق، سید علی گیلانی و دیگر قیادت کی نظر بندی، مقبوضہ کشمیر میں بے گناہ کشمیریوں پر بھارتی شیلنگ، وحشیانہ لاٹھی چارج کی شدید مذمت کرتے ہوئے کہا کہ کشمیری نوجوان نے بھارتی شیلنگ کے دوران پاکستانی پرچم لہرا کر دنیا کو پیغام دے دیا ہے کہ کشمیری اور پاکستان لازم اور ملزوم ہیں اور بھارت جابرانہ تشدد منفی ہتھکنڈوں کے ذریعے کشمیریوں کومنزل سے دور نہیں رکھا جاسکتا۔(جاری ہے)
بھارت
کے قابض و غاصب حکمران کشمیریوں کی تحریک کا راستہ نہیں روک سکتے۔ وزیر اعظم نے کہا کہ کشمیری عوام تحریک تکمیل پاکستان کی جنگ لڑ رہے ہیں۔ کشمیریوں کی یہ تحریک کامیاب ہو کر رہے گی۔ بھارتی حکمران اس تحریک کا راستہ نہیں روک سکتے۔ وزیراعظم نے کہا کہ تحریک آزادی کے بیس کیمپ کی حکومت اور عوام مقبوضہ کشمیر کے بھائیوں کے شانہ بشانہ ہیں اور جدوجہد آزادی میں انہیں کسی مرحلے پر بھی تنہائی کا احساس نہیں ہونے دیں گے۔ وزیر اعظم نے کہا کہ آزادی کشمیریوں کا مقدر بن چکی ہے۔ کشمیری شہداء کا لہو رنگ لا رہا ہے۔ بہت جلد کشمیر سے بھارت کا غیر قانونی تسلط ختم ہو کر رہے گا۔ دریں اثناء وزیر اعظم آزاد کشمیر چوہدری عبدالمجید نے نکیال سیکٹر میں بھارتی بلا اشتعال فائرنگ کی شدید مذمت کرتے ہوئے شہید ہونے والے بچوں کے ورثاء سے گہری ہمدردی کا اظہار کرتے ہوئے اقوام متحدہ سمیت امن پسند دنیا سے اپیل کی کہ وہ لائن آف کنٹرول پر آباد سویلین آبادی کو بھارتی گولہ باری سے محفوظ بنائیں اور بھارت کو جارحانہ اقدامات سے باز رکھیں۔ وزیر اعظم آزاد کشمیر نے کہا کہ بھارتی جندا پارٹی نے اقتدار میں آتے ہی کشمیریوں کی نسل کشی شروع کر رکھی ہے۔ بھارت کے انتہا پسند حکمرانوں کے جارحانہ اقدامات اور توسیع پسندانہ عزائم نے برصغیر کے امن کو داؤ پر لگا رکھا ہے۔ امن پسند دنیا برصغیر میں آباد دو ارب انسانوں کی زندگیوں کو محفوظ بنانے کیلئے برصغیر کے امن کو برباد کرنے سے بچائے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.