Live Updates

پانامہ لیکس تحر یک انصاف کے گلے کی ہڈی بن چکی ہے ‘ رانا ثناء اﷲ خان

عمران خان اب جہا نگیر ترین اورعلیم خان کو بچانے کی جنگ لڑ رہے ہیں ‘پنجاب اسمبلی میں تحر یک انصاف پانامہ لیکس پر بحث کر نے سے بھاگتی ہے مگر ہم بحث کیلئے تیار ہیں ‘(ن) لیگ کی حکومت اپنی آئینی مدت پوری کر یگی عمران خان کا وزیر اعظم بننے کا خواب کبھی پورا نہیں ہوگا‘گفتگو

اتوار 8 مئی 2016 13:46

لاہور (اُردو پوائنٹ اخبار تازہ ترین۔8 مئی۔2016ء) صوبائی وزیر قانون رانا ثناء اﷲ خان نے کہا ہے کہ پانامہ لیکس تحر یک انصاف کے گلے کی ہڈی بن چکی ہے ‘عمران خان اب جہا نگیر خان ترین اور عبد العلیم خان کو بچانے کی جنگ لڑ رہے ہیں ‘پنجاب اسمبلی میں تحر یک انصاف پانامہ لیکس پر بحث کر نے سے بھاگتی ہے مگر ہم بحث کیلئے تیار ہیں ‘(ن) لیگ کی حکومت اپنی آئینی مدت پوری کر یگی عمران خان کا وزیر اعظم بننے کا خواب کبھی پورا نہیں ہوگا بلکہ آنیوالی حکومت بھی (ن) لیگ کی ہوگی۔

(جاری ہے)

اتوار کے روز گفتگو کرتے ہوئے رانا ثناء اﷲ خان نے کہا کہ تحر یک انصاف کو پتہ ہے پانامہ لیکس سے انکو کچھ ملے گا مگر وہ خود کو سیاسی طور پر زندہ رکھنے کی ناکام کوشش کر رہے ہیں اب عدلیہ نے کمیشن بنانا ہے جیسے ہی کمیشن بن جا ئیگا قوم کے سامنے دووھ کا دودھ اور پانی کا پانی ہو جا ئیگا۔ انہوں نے کہا کہ پانامہ لیکس تحر یک انصاف کے گلے کی ہڈی بن چکا ہے (ن) لیگ کی حکومت کو اپوزیشن جماعتوں کے کسی اتحادسے کوئی خطر ہ نہیں کیونکہ اپوزیشن جماعتیں خود ہی اختلافات کا شکار ہو چکیں ہے۔ انہوں نے کہا کہ عمران خان کے تمام معاملات جہا نگیر خان ترین اور عبدالعلیم خان کے ہاتھوں میں ہیں اس لے عمران خان دونوں کو بچانا چاہتے ہیں تاکہ انکا خرچہ پانی چلتا رہے۔