تحریک آزادی کشمیرمیں خواتین کا کردار اہم ہے ‘دختران ملت
جمعہ 10 جون 2016 14:27
سرینگر(اُردو پوائنٹ اخبارتازہ ترین - این این آئی۔10 جون ۔2016ء) مقبوضہ کشمیرمیں دختران ملت جموں وکشمیر نے کہاہے کہ تحریک آزادی کشمیرمیں خواتین کو بھی اہم کردار ادا کرنا ہو گا تاکہ بی جے پی اور پی ڈی پی کی مخلوط کٹھ پتلی انتظامیہ کی طرف سے ہندو انتہا پسند تنظیم آر ایس ایس کے ایجنڈے پر عمل درآمد کو ناکام بنایا جاسکے۔ کشمیرمیڈیاسرو س کے مطابق دختران ملت کی جنرل سیکریٹری ناہیدہ نسرین نے پٹن میں خواتین کے ایک اجتماع سے خطاب کرتے ہوئے کہاکہ کشمیر کی خواتین کیلئے لازمی ہوگیا ہے کہ وہ ہندتوا طاقتوں کے منصوبوں کو ناکام بنانے کیلئے سرگرم عمل ہوجائیں اور وقت کی حساسیت کا تقاضا ہے کہ ہم من حیث القوم بھارتی جارحیت کا مقابلہ کریں۔
انہوں نے کہا کہ بھارتی فوجیوں اور کشمیری پنڈتوں کیلئے علیحدہ کالونیاں، نئی صنعتی پالیسی اور نئی غار یاترائیں شروع کرنا دراصل آر ایس ایس کے منصوبے ھیں جن کو کشمیر میں حتمی شکل دی جارہی ہے۔(جاری ہے)
انہوں نے کہاکہ ان مکروہ منصوبوں کا مقصد جموں وکشمیر کی متنازعہ حیثیت کو ختم کر کے اسے ہندوستان کا مستقل حصہ بنانا ہے۔ناہیدہ نسرین نے کہا کہ کشمیری لوگوں نے نہ تو کبھی بھارت کی حاکمیت کو تسلیم کیا ہے اور نہ مستقبل میں ایسا کریں گے۔
انہوں نے واضح کیاکہ بھارت نے فوجی طاقت کے بل پر جموں وکشمیر پر غیر قانونی طورپر قبضہ کر رکھا ہے ۔انہوں نے کہا کہ خواتین معاشرے کا نصف حصہ ہیں اور ان کو تحریک آزادی میں اپنا کردار ادا کرنا چاہئے۔انہوں نے کہا کہ وقت کا تقاضہ ہے کہ کشمیر ی متحد ہوکر بھارتی تسلط سے آزادی اوراسکی مسلم اور کشمیر دشمن پالیسیوں کے خلاف صف آرا ہوجائیں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.