لو سٹوری 2016، پاکستانی کی مسلمان لڑکی اور بھارت کے ہندو لڑکے میں پیار کی کہانی

بہت سے مشکلات اور اختلاف رائے کے باوجود بالآخر دونوں شادی کرنے میں کامیاب ہو گئے

سمیرا فقیرحسین منگل 20 دسمبر 2016 16:24

لو سٹوری 2016، پاکستانی کی مسلمان لڑکی اور بھارت کے ہندو لڑکے میں پیار ..

(اُردو پوائنٹ تازہ ترین اخبار۔20 دسمبر2016ء) : کہتے ہیں کہ پیار کی کوئی حدود نہیں ہوتیں۔ پیار عمر ، رنگ و نسل اور سرحدوں کی قید سے آزاد ہوتا ہے ۔ اس بات کا عملی نمونہ حال ہی میں ہوئی ایک شادی میں دیکھنے میں آیا جہاں پاکستان کی ایک مسلمان لڑکی اور بھارت میں مقیم ایک ہندو لڑکے نے آپس میں شادی کر کے ثابت کر دیا کہ پیار واقعہ حدود اور مذاہب کی قید سے آزاد ہوتا ہے۔

ان دونوں کی کہانی کو سوشل میڈیا صارفین نے لو اسٹوری 2016 کا نام دیا ہے۔ شادی کا ارادہ کرنے سے قبل مسلمان لڑکی ہدیٰ اور بھارتی لڑکے منیت میں چار سال سے رابطہ تھا۔ جب دونوں نے شادی کا فیصلہ اپنے اپنے اہل خانہ کو سنایا تو دونوں خاندانوں نے مذہب اور عقائد مختلف ہونے پر اس رشتے سے انکار کر دیا۔ ہدیٰ نے بتایا کہ منیت کے والدین نے اس سے کہا تھا کہ یا تو تم اس گھر میں رہ لو ہا اس لڑکی سے شادی کر لو۔

(جاری ہے)

جس پر منیت نے اپنا گھر چھوڑ دیا۔ منیت نے بتایا کہ ہدیٰ مسلمان گھرانے سے تعلق رکھتی ہے، اس کے علاوہ میرے والدین نے فی الوقت کوئی اعتراض نہیں اٹھایا تھا ، ان کا پہلا اور سب سے بڑا اعتراض ہدیٰ کا دوسرے مذہب سے تعلق رکھنا تھا۔ والدین کے سامنے منت و سماجت کرنے کے بعد دونوں کے والدین نے بالآخر اس جوڑے کے سامنے گھٹنے ٹیک دئے اور حال ہی میں منیت اور ہدیٰ نے دوبئی میں اپنی شادی کی ایک شاندار تقریب منعقد کی جس میں دونوں کے والدین سمیت قریبی عزیز و اقارب بھی شریک ہوئے۔ ہدیٰ اور منیت کی شادی کی کچھ جھلکیاں آپ بھی ملاحظہ کیجئیے: