برف باری اور بارش کے باعث لینڈ سلائیڈنگ سے سرینگر مظفرآباد دو طرفہ تجارت معطل

لائن آف کنٹرول کے دونوں اطراف ایک سو سے زائد مال بردار ٹرک پھنس گئے، تاجروں کو لاکھوں روپے مالیت کا نقصان

بدھ 25 جنوری 2017 16:16

چکوٹھی(اُردو پوائنٹ اخبارتازہ ترین - آئی این پی۔ 25 جنوری2017ء) مقبوضہ کشمیر میں برف باری اور بارش کے باعث ہونے والی لینڈ سلائیڈنگ کی وجہ سے مقبوضہ کشمیر انتظامیہ نے سرینگر مظفرآباد دو طرفہ تجارت معطل کر دی لائن آف کنٹرول کے دونوں اطراف ایک سو سے زائد مال بردار ٹرک پھنس گئے تاجروں کو لاکھوں روپے مالیت کا نقصان۔

(جاری ہے)

تفصیلات کے مطابق بدھ کے روز مقبوضہ کشمیر کے سرحدی علاقہ اوڑی کے مختلف مقامات پر ہو نے والی لینڈ سلائیڈنگ سے شاہراہ سرینگر بند ہو نے کی وجہ سے مقبوضہ کشمیر کی انتظامیہ نے سرینگر مظفرآباد تجارت معطل کر دی جس وجہ سے لائن آف کنٹرول کراس کر نے والے درجنوں مال بردار ٹرک لائن آف کنٹرول کے آر پار روک دیے گئے ٹی ایف او چکوٹھی کراسنگ پوائنٹ میجر(ر) طاہر کاظمی نے صحافیوں کو مزید تفصیل بتاتے ہوئے کہا کہ جمعرات کے روز بھارتی یوم جمہوریہ کے باعث بھی مقبوضہ کشمیر انتظامیہ نے دو طرفہ تجارت نہ کر نے کا فیصلہ کیا ہے اب اگر جمعہ کے روز دونوں اطراف میں بارش اور برف باری نہ ہوئی روڈ کھلی رہی تو تجارت کو بحال کیا جائے بصورت دیگر دو طرفہ تجارت آئندہ ہفتے منگل کے روز ہی بحال ہو گی پھر ہی لائن آف کنٹرول کے دونوں اطراف پھنسے ہوئے مال بردار ٹرک لائن آف کنٹرول کراس کریں گے یاد رہے کہ تجارت کے معطل ہو نے سے دونوں اطراف ٹرکوں کے پھنس جانے کے باعث ان میں لوڈ مال کے خراب ہو نے اور تاجروں کو کرڑوروں روپے نقصان کا خطرہ ہے ۔