بھا رتی حکمرا نو ں کے بیا نا ت سے مسئلہ کشمیر کی حیثیت تبدیل نہیں ہو سکتی ۔۔سیدعلی گیلانی
کسی بھی متوازن سوچ کے سیاستدان کو اس طرح کی باتیں زیب نہیں دیتی ،کشمیر آپ کا نہ کشمیری اور نہ کشمیریت،مسئلہ 3اضلاع کا ہے تو ریفرنڈم کرایا جائے۔ بیان
منگل 23 مئی 2017 16:27
(جاری ہے)
انہوںنے اسے بی جے پی کے لیڈروں کا جنگی جنون قراردیتے ہوئے کہاکہ کسی بھی متوازن سوچ کے سیاستدان کو اس طرح کی باتیں زیب نہیں دیتی ہیں۔ سیدعلی گیلانی نے بھارتی وزیر داخلہ راجناتھ سنگھ کو مخاطب کرتے ہوئے کہاکہ وہ ’’کشمیر ہمارا ہے‘‘ کہہ کر خود خوش اور مطمئن ہو سکتے ہیں تاہم اس سے کشمیر کی متنازعہ حیثیت جو کہ ایک بڑی حقیقت ہے کو تبدیل نہیں کیاجاسکتا ہے ۔
انہوںنے کہاکہ بھارت کے تمام وزرائے اعظموں نے ’’کشمیر ہمارا ہے‘‘ کا نعرہ لگایا تاہم 70برس گزرنے کے بعد بھی کشمیرکے زمینی حقائق میں کوئی تبدیلی واقع نہیں ہوئی۔ ہر سال کے ساتھ یہ مسئلہ زیادہ سنگین نوعیت اختیار کرتا گیا ۔انہوںنے کہاکہ بھارتی وزیر داخلہ راج ناتھ سنگھ نے گزشتہ سال ایک ہفتے کے دوران کشمیر میں حالات ٹھیک ہونے کا دعویٰ کیاتھا جس کے بعد مقبوضہ علاقے میں تعینات پوری بھارتی فوج کو متحرک کردیاگیا تھا،تاہم حالات دن بدن خراب ہوتے گئے ۔سیدعلی گیلانی نے بھارتی وزیر کے بیان کہ ’’مسئلہ کشمیر ہم ہی حل کریں گے‘‘ پر تبصرہ کرتے ہوئے کہا کہ طاقت کے ذریعے سے مسائل حل ہوا کرتے تو پھر 70سال کا عرصہ اس کیلئے کافی زیادہ تھا۔بی جے پی کے صدرامیت شاہ کے بیان کہ ’’وادی کے صرف 3اضلاع میں مسئلہ ہے‘‘ پر ردّعمل ظاہر کرتے ہوئے انہوںنے کہا کہ ایسا ہے تو پھر انہیںکشمیر میں ریفرنڈم کرانے پر کوئی اعتراض نہیں ہونا چاہیے ۔حریت چیئرمین نے نائب کٹھ پتلی وزیر اعلیٰ نرمل سنگھ کے پیسے دے کر پتھرائو کرانے کے بیان پر ردعمل میں کہاکہ ان کا حقیقت کے ساتھ دُور کا بھی واسطہ نہیں ہے۔انہوںنے کہاکہ بھارتی حکومت اپنی ساری دولت بھی خرچ کرکے کشمیریوں کو سڑکوں پرنہیں لاسکتی ہے۔انہوںنے کہاکہ پانچ سو روپے کیلئے نہ تو کوئی اپنی جان دیتا ہے اور نہ ہی اپنی آنکھوں کی بینائی قربان کرسکتا ہے۔ انہوںنے کہاکہ پتھراؤ کوعالمی سطح پر مزاحمت کا ایک طریقہ تسلیم کیا گیا ہے اور جموںو کشمیر میں بھی یہ کوئی نیا رحجان نہیں ہے، بلکہ یہ کشمیریوںکی ایک پُرانی روایت ہے اور وہ تاریخ کے ہر دور میں غیر ملکی قبضے کیخلاف اس طرح مزاحمت کرتے رہے ہیں۔ حریت چیرمین نے واضح کیاکہ کشمیری عوام بی جے پی کے لیڈروں کے دھمکی آمیز بیانات سے مرعوب نہیںہوں گے اور نہ ہی وہ اپنی جدوجہد آزادی سے دستبردار ہوں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.