اساتذہ اپنی تنخواہوں ومراعات کے حصول کے بجائے تعلیمی معیار کو بہتر بنانے پر توجہ دیں،ڈاکٹر زبیر شیخ
بدھ 18 اپریل 2018 17:51
(جاری ہے)
اجلاس سے اسٹیوٹا کے پروجیکٹ ڈائیریکٹر نذیر چنّا کے علاوہ انجینئر لیاقت علی چامڑو، الطاف شیخ اور این جی اوز گرانٹ تھورڈن اور امن فاونڈیشن کے نمائیندوں نے بھی خطاب کیا۔
ماجو کے صدر پروفیسر ڈاکٹر زبیر شیخ جوکہ ورلڈ بنک کی جانب سے سندھ میں فنّی تعلیم اور پیشہ ورانہ تربیت کے جاری منصوبہ کے تیسرے فریق مقرر کئے گئے ہیں کہا ہے کہ ہمارے لئے یہ ایک بہت اچھا پروجیکٹ ہے، وہ اس سے 2012 سے وابستہ ہیں اور اس منصوبہ پر ان کی جانب سے جمع کرائی جانے والی رپورٹ کے بعد صورتحال میں کافی بہتری آئی ہے۔ انہوں نے کہا کہ یہ دیکھ کر بڑی مسرت ہوئی ہے کہ تربیتی مراکز کی حالت بہتر بنائی گئی ہے، بہتر فر نیچر اور آلات فراہم کئے گئے ہیں، ٹیچر ز ،انسٹرکٹرز اور پرنسپلز کی تربیت کے ورکشاپ کا انعقاد کیا گیا ہے اور جاب مارکیٹ کی ضروریات کا خیال کرتے ہوئے تربیتی پروگرام شروع کئے گئے ہیں۔ انہوں نے کہا گوکہ ملک میں اچھے منصوبوںکے لئے ہم کوورلڈ بنک کی جانب سے فنڈز فراہم کئے جارہے ہیں لیکن یہ بھی دیکھنا ہوگا کہ ہم انکے بہت مقروض بھی ہوگئے ہیں،کرپشن ہمارے لئے ایک سنگین مسلہ بن چکا ہے اس لئے ان کی جانب سے ہم کو فراہم کئے جانے والے فنڈز کی سخت مانیٹرنگ بھی کی جاتی ہے۔ انہوں نے کہا کہ اس وقت ملک میں کرپشن کی ساری ذمہ داری سیاستدانوں پر ڈال دی جاتی ہے لیکن کرپشن ہمارے معاشرہ میں کینسر کی طرح پھیل گئی ہے، اگر ہم اس بیماری کا خاتمہ چاہتے ہیں تو پھر سب سے پہلے ہمارے گھر میں والد کو اور درسگاہ میں استاد کو کرپشن سے توبہ کرنی ہوگی جس کے نتیجہ میں ہماری نئی نسل کرپشن سے خود بخود دورہوجائے گی۔ ڈاکٹر زبیرشیخ نے کہا کہ اگر ہم چاہتے ہیں کہ ہم اپنے منصوبہ عالمی اداروں کی فنڈنگ کے بغیر مکمل کریں تو پھر ہمیں اپنی انڈسٹری کو زیادہ سے زیادہ تربیت یافتہ افراد فراہم کرنے ہونگے جس کے بعد ہماری انڈسٹری خود آگے بڑھ کر فنڈز فراہم کرے گی۔انہوں نے بتایا کہ ایچ ای سی 2018 سے دو سالہ بیچلرز ڈگری پروگرام ختم کررہی جس کی بنا پر آپ کے ڈپلومہ اور ایسوسی ایٹ ڈگری پروگرام بے کار ہو جائیں گ اس لئے اسٹیویٹا کو اس مسلہ کے حل کی طرف بھی توجہ دینی ہوگہ اور ان کو 2020 تک لئے پلان تیار کرنے ہونگے۔ انہوں نے کہا کہ آنے والا دور ڈیجیٹل ٹیکنالوجی کا دور ہوگا اس لئے ہمیں اپنے ماضی کے بجائے مستقبل کی جانب توجہ دینے کی زیادہ ضرورت ہے۔قبل ازیں اجلاس سے خطاب کرتے ہوئے اسٹیویٹا کے پروجیٹ ڈائیریکٹر نذیر چنا نے خطابکرتے ہوئے بتایا کہ ہم ورلڈ بنک کے تعاون سے اپنے ادارے سے تربیت یافتہ افراد کے بارے میں سروے کررہے ہیں کہ وہ کن اداروں میں ملازمت کررہے ہیں، ان کی کارکردگی کا کیا معیار ہے اور اس کے ساتھ ہی یہ بھی دیکھا جارہا ہے کہ سندھ میں وہ کون سے مراکز ہیں جہاں طلبہ کو تربیت کی بہترین سہولتیں حاصل ہیں اور وہ کون سے مرکز ہیں جن کی حالت بہتر بنانے کی ضرورت ہے۔انہوں نے بتایا کہ ہم 2016 سے جاب مارکیٹ کا مسلسل جائیزہ لے رہے ہیں اور اپنے کورسز نارکیٹ کی ضروریات کا سامنے رکھ کر مرتب کررہے ہیں۔انہوں نے بتایا کہ ہم نے اپنے ڈھائی ہزار سابق طلبہ سے اپنے تربیتی پروگراموں کے بارے میں ان کی رائے معلوم کرنے کے لئے ایک سروے شروع کیا ہے جس کے دوران ان سے پوچھا جائے گا کہ ان کو جو تعلیم دی گئی ہے وہ ان کے کام آرہی ہے یا نہیں نیز ان سے ہمارے ٹیچرز کی کار کردگی کے بارے میں بھی سوالات کئے جائیں گے۔ انہوں نے کہا کہ ہم سندھ کی سماجی و اقٹصادی ترقی اور غربت کے خاتمہ کے لئے کام کررہے ہیں جس کے نتیجہ میں ہمارے ہاں بھی بہت جلد ترقی و خوشحالی کا دور دورہ شروع ہو سکے گا۔مزید قومی خبریں
-
وزیر اعلی ٰبلوچستان میر سرفراز بگٹی سے سیکرٹری ویلفیئر فنڈ منسٹری آف اوورسیز پاکستانی ذوالفقار خان کی ملاقات
-
ملک بھر میں این ایچ اے روڈ انفراسٹرکچر کو بڑھانے کے لئے پرعزم ہیں ،نئی پالیسی لائیں گے، عبدالعلیم خان
-
گوجرخان پولیس کی موثر کارروائی، سکولوں اور کالجوں میں منشیات سپلائی کرنے والا منشیات فروش گرفتار
-
سوات ،نوجوان نے خودکو گولی مارکر خودکشی کرلی
-
وزیراعلی سندھ نے کابینہ میں توسیع کرتے ہوئے مزید 8وزرا کو شامل کرلیا
-
گورنرسندھ کے زیر صدارت سندھ انڈسٹریل لائڑن کمیٹی کا اعلیٰ سطح اجلاس
-
پی ٹی آئی نے مزار قائد پر حاضری دیکر کراچی جلسہ کی تیاریاں شروع کر دی،
-
ایم کیو ایم کا وزیر اعلیٰ ہائوس کا گھیرائوکرنے کا فیصلہ
-
سندھ ہائی کورٹ : پی ٹی اے کو ایکس کی بندش کی معقول وجہ بتانے کا حکم
-
چارسدہ، پولیس نے رمضان میں دکان سے چوری کرنے والا ملزم گرفتارکرلیا
-
موجودہ نظام میں کسی بھی شفاف اور قابل لیڈر کی کوئی جگہ نہیں،علی امین گنڈاپور
-
800 لیٹر ایرانی تیل برآمد،ملزمان گرفتار،مقدمہ درج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.