الیکشن کمیشن نے فیصل آباد اور چنیوٹ کے نئے انتخابی حلقوں پر دائر اعتراضات پر محفوظ فیصلہ سنا دیا

حلقہ این اے 99 اور این اے 100 میں تبدیلی، فیصل آباد سے قومی اسمبلی کے 4 ،صوبائی اسمبلی کے 9 حلقوں پر اعتراضات منظور

بدھ 18 اپریل 2018 22:35

الیکشن کمیشن نے فیصل آباد اور چنیوٹ کے نئے انتخابی حلقوں پر دائر اعتراضات ..

اسلام آباد (اُردو پوائنٹ اخبارتازہ ترین - این این آئی۔ 18 اپریل2018ء) الیکشن کمیشن آف پاکستان نے فیصل آباد اور چنیوٹ کے نئے انتخابی حلقوں پر دائر اعتراضات پر محفوظ فیصلہ سنا دیا ہے، قومی اسمبلی کے حلقہ این اے 99 اور این اے 100 میں تبدیلی کی گئی ہے۔ فیصل آباد سے قومی اسمبلی کے 4 اور صوبائی اسمبلی کے 9 حلقوں پر اعتراضات منظور کر لئے گئے ہیں۔

(جاری ہے)

الیکشن کمیشن کی جانب سے جاری بیان کے مطابق فیصل آباد سے قومی اسمبلی کے حلقوں این اے 102، 103، 104 اور 105 پر دائر اعتراضات منظور کر لئے گئے ہیں۔ اسی طرح فیصل آباد سے صوبائی اسمبلی کے حلقوں پی پی 98، 99، 107، 112 اور 113 پر بھی اعتراضات منظور کر لئے گئے ہیں۔ اس کیساتھ ساتھ پی پی 114، 115، 116 اور 117 پر دائر اعتراضات بھی منظور کر لئے گئے۔ چنیوٹ کے حلقہ این اے 99 سے پٹوار سرکل برخودار این اے 100 میں منتقل کیا گیا ہے جبکہ چنیوٹ کے حلقہ پی پی 94 سے پٹوار سرکل برخودار نکال کر پی پی 95 میں شامل کر دیا گیا ہے۔