ایران کے مفادات کا پوری طاقت کے ساتھ دفاع کیا جائے گا، نائب وزیر خارجہ

جمعرات اپریل 15:04

روم۔ (اُردو پوائنٹ اخبارتازہ ترین۔ 19 اپریل2018ء) ایران کے نائب وزیر خارجہ سید عباس عراقچی نے کہا کہ ہم کسی کو بھی اس بات کی اجازت نہیں دیں گے کہ تہران اور جوہری معاہدے کے خلاف امریکیدشمنی سے ایران کے مفادات کو نقصان پہنچائے اس لئے ایران کے مفادات کا پوری طاقت کے ساتھ دفاع کیا جائے گا۔

(جاری ہے)

ایرانی خبر رساں ادارے کے مطابق ایران کے نائب وزیر خارجہ سید عباس عراقچی نے اٹلی کے سرکاری دورے کے موقع پر روم میں اپنے ہم منصب وینچنٹسو امنڈولا سے ملاقات کی اور جوہری معاہدے پر تبادلہ خیال کیا۔

انہوں نے یورپی ممالک کے ساتھ مذاکرات کو اہم اور مفید قرار دیتے ہوئے مشترکہ ایٹمی معاہدے سے امریکہ کے ممکنہ طور پر آئندہ ماہ نکلنے کے سوال کے جواب میں کہا کہ ایران کا رد عمل شدید ہوگا اور ایران کسی بھی صورتحال سے نمٹنے کے لئے تیار ہے۔ واضح رہے کہ پائیدار امن کے حوالے سے اجلاس 24 اور 25 اپریل کو اقوام متحدہ کی جنرل اسمبلی میں ہو گا۔