آزاد کشمیر میں گڈ گورننس ، میرٹ کی بحالی ، اداروں کے استحکام اور مسئلہ کشمیر کے حل کیلئے آزاد کشمیر میں (ن) لیگی حکومت وزیر اعظم فاروق حیدر کی زیر قیادت ماضی کی حکومتوں کے برعکس بڑا کام کر رہی ہے

آزاد کشمیر کے وزیر بحالیات و ٹرانسپورٹ ناصر حسین ڈار کی بات چیت

اتوار 22 اپریل 2018 23:20

مظفرآباد (اُردو پوائنٹ اخبارتازہ ترین - آئی این پی۔ 22 اپریل2018ء) آزاد کشمیر کے وزیر بحالیات و ٹرانسپورٹ ناصر حسین ڈار نے کہا ہے کہ آزاد کشمیر کے اندر گڈ گورننس ، میرٹ کی بحالی ، اداروں کے استحکام اور مسئلہ کشمیر کے حل کے لیے آزاد کشمیر میں مسلم لیگ (ن) کی موجودہ حکومت راجہ فاروق حیدر خان وزیر اعظم آزاد کشمیر کی زیر قیادت ماضی کی حکومتوں کے برعکس بڑا کام کر رہی ہے ۔

(جاری ہے)

ایک انٹر ویو کے دوران انہوں نے مزید کہا کہ آزاد کشمیر کی حکومتی مشینر نے آزاد خطہ میں مسلم لیگ (ن) کی طرف سے گڈ گورننس کے قیام کی کوششوں کو آگے بڑھانے میں اہم کر دار ادا کیا ہے ۔ ریاستی ملازمین کی استعداد اکار کو بڑھانے کے لیے تربیتی کورسوں کا باقاعدگی سے اہتمام کیا جارہا ہے اور اس سے محکمانہ کارکردگی میں بھی بہتری ہوئی ہے اور ملکی و تعمیر ترقی کا عمل بھرپور طریقہ سے سرانجام دیا جارہا ہے ۔ وزیر بحالیات و ٹرانسپورٹ آزاد کشمیر ناصر حسین ڈار نے مزید کہا کہ آزاد کشمیر میں ترقیاتی منصوبوں کی معیاری اور بروقت تکمیل کو یقینی بنایا جارہا ہے اور ترقیاتی فنڈز کے درست تصرف کو بھی یقینی بنایا گیا ہے ۔