نواز شریف نے مودی کے ساتھ ملکر عوامی مینڈیٹ پر شب خون مارا ،سلطان محمود چوہدری

کھڑی شریف(اُردو پوائنٹ اخبارتازہ ترین - آن لائن۔ 27 مئی2018ء) آزاد کشمیر کے سابق وزیر اعظم و پی ٹی آئی کشمیر کے صدر بیرسٹر سلطان محمود چوہدری نے کہا ہے کہ میں نے کہا تھا نواز شریف اور مودی نے مل کر حالیہ الیکشن میں عوامی مینڈیٹ پر شب خون مارا نواز شریف کے بیانیہ نے میری بات کی تصدیق کر دی آزاد کشمیر کے حالیہ الیکشن میں مجھے اقتدار سے باہر رکھ کر تقسیم کشمیر کی راہ ہموار کرنا تھا کیونکہ نواز شریف اور مودی مجھے تقسیم کشمیر میں سب سے بڑی روکاوٹ سمجھتے تھے اللہ کی لاٹھی بے آواز ہوتی ہے میرے خلاف سازش کرنے والے نواز شریف کے غرور و تکبر کی ناک خاک آلود ہو کر رہ گئی ۔

پیرہ شاہ غازی کا قلندر ہوں۔ رومی کشمیر میاں محمد بخشؒ کی دھرتی میں رہنے والوں کے ساتھ زیادتی کرنے والے عبرت کا نشان بن جاتے ہیں جس کی واضح مثال نواز شریف ہیں۔

(جاری ہے)

حلقہ کھڑی کی عوام نے ہزاروں کی تعداد میں افطار ڈنر میں شرکت کر کے ثابت کر دیا کہ زیادتی اور دھاندلی خود بولتی ہے جعلی مینڈیٹ اور جعلی ڈگری والے شرمندہ شرمندہ نظر آتے ہیں۔ انصاف یوتھ ونگ سمیت تمام ونگز اور زیلی تنظیمیں تحلیل کر دی گئی ہیں سماہنی میں جنگلات میں لگنے والی آگ حکومتی نااہلی ہے جس کی پرزور مذمت کرتا ہوں۔

پی ٹی آئی کے سورج کی کرنیں اقتدار کے ایوانوں میں طلوع پذیر ہونے کو ہیں مسلم لیگ ن کے اقتدار کا سورج وفاق اور آزاد کشمیر میں ہمیشہ کے لیے غرقاب ہونے والا ہے۔ رکنیت سازی کا کام جلد مکمل کیا جائے عید کے بعد تنظیم سازی کی جائے گی۔ان خیالات کا اظہار انھوں نے حلقہ کھڑی میں اپنے اعزاز میں منعقدہ افطار ڈنر سے خطاب کرتے ہوئے کیا ۔افطار ڈنر آمد پر بیرسٹر سلطان محمود چوہدری کا فقید المثال استقبال کیا گیا افطار ڈنر سے سابق وزیر برقیات چوہدری ارشد حسین نے خطاب کرتے ہوئے کہا کہ نواز شریف کا بیانیہ غداری کے مترادف ہے اس پر بغاوت کا مقدمہ چلایا جائے حلقہ کھڑی کے عوام نے آج ہزاروں کی تعداد میں شرکت کر کے ثابت کر دیا کہ حلقہ کھڑی کی عوام جعل ساز کی جعل سازی اور منافقت کی سیاست سے تنگ آ چکے افطار ڈنر کے موقع پر سجادہ نشین دربار کھڑی شریف میاں عمر بخش نے خصوصی دعا کرائی ۔

بیرسٹر سلطان محمود چوہدری نے مزید کہا کہ میرے افطار ڈنرز میں لوگوں کی بڑی تعداد میں شرکت بتا رہی ہے کہ آزاد کشمیر کی عوام دھاندلی کی پیداوار حکومت کے خلاف اٹھ کھڑے ہوئے ہیں وفاق میں تبدیلی کے ساتھ ہی فاروق حکومت کا بستر گول کر دیا جائے گا۔راٹھور