صدر آزاد جموں وکشمیر کی جموں وکشمیر کونسل کی آئینی اصلاحات پر وزیر اعظم آزادکشمیر راجہ فاروق حیدر خان کو مبارکباد

بدھ 30 مئی 2018 16:07

اسلام آباد ۔ (اُردو پوائنٹ اخبارتازہ ترین - اے پی پی۔ 30 مئی2018ء) صدر آزاد جموں وکشمیر سردار مسعود خان نے آزاد جموں وکشمیر کونسل کی آئینی اصلاحات پر وزیر اعظم آزادکشمیر راجہ فاروق حیدر خان کو مبارکباد دی ہے۔نبدھ کو مبارکباد کے پیغام میں انہوں نے آزادجموں وکشمیر کونسل میں آئینی اصلاحاتی پیکج لانے میں کامیابی پر دلی مبارکباد دیتے ہوئے کہا ہے کہ وزیر اعظم آزادکشمیر راجہ فاروق حیدر خان کو جموں وکشمیر کونسل میں اس آئینی اصلاحات کی بڑی کامیابی پر انہیں خراج تحسین پیش کرتا ہوں ۔

(جاری ہے)

وزیر اعظم آزادکشمیر نے رکاوٹوں اور مشکلات کے باوجود عزم اور حوصلہ مندی سے جموں وکشمیر کونسل میں آئینی اصلاحات لانے کی مہم کو جاری رکھا اور کامیابی حاصل کی۔ انہوں نے کہا کہ کونسل ریفارم پیکج کشمیری عوام کی خواہشات اور امنگوں کی عکاسی کرتانہے۔ آئینی اصلاحات ایک تاریخی فیصلہنہے ۔ صدر آزاد کشمیر نے کہا کہ ان اصلاحات سے حکومت آزادکشمیر کو انتطامی ومالی اختیارات مل جائیں گے ۔ پاکستان اور کشمیر کے درمیان تعلقات مستحکم و مضبوط ہیں ۔ انہوں نے کہا کہ وزیر اعظم پاکستان شاہد خاقان عباسی کی قیادت میں وفاقی حکومت اور پاکستانی عوام نے ہماری مکمل حمایت کی۔