آزادکشمیر کے آئینی مالیاتی ،خودمختاری مضبوط اور مستحکم پاکستان کے مفاد میں آزادکشمیر اسمبلی نے ایک تاریخ ساز سنگ میل طے کر لیا‘نعمان زرگر کا بیان

اتوار 3 جون 2018 18:10

مظفرآباد(اُردو پوائنٹ اخبارتازہ ترین - آئی این پی۔ 03 جون2018ء) مسلم لیگ ن یوتھ ونگ آزادکشمیر کے مرکزی سینئر نائب صدر نعمان زرگر نے کہاکہ آزادکشمیر کے آئینی مالیاتی ،خودمختاری مضبوط اور مستحکم پاکستان کے مفاد میں آزادکشمیر اسمبلی نے ایک تاریخ ساز سنگ میل طے کر لیا ایکٹ 74؁ء کے تحت چلنے والے نظام کے تحت کونسل کی شکل میں متوازی حکومت کا کردار ختم کر دیا گیا ۔

(جاری ہے)

تیرہویں آئینی ترمیم کی منظوری ستر سالہ تاریخ کا بڑا کارنامہ ہے ۔فاروق حیدر نے ریاستی حکومت کا تشخص بحال کر دیا ۔وفاقی حکومت نے کشمیر کونسل کو ختم کرنے اور آزاد حکومت کو بااختیار بنانے کیلئے آئینی اصلاحات کا پیکج منظور کر لیا ۔وزیراعظم پاکستان ،مسلم لیگ ن پاکستان کی لیڈر شپ اور بالخصوص وزیر اعظم آزادکشمیر اور مسلم لیگ ن آزادکشمیر کے تمام ممبران اسمبلی ،کارکنان و عہدیداران مبارکباد کے مستحق ہیں ۔