بھارت کشمیریوں کی جدوجہد آزاد ی کو بدنام کرنے کیلئے تمام ہتھکنڈے استعمال کر رہاہے، مسلم لیگ جموں وکشمیر

تحریک آزادی کشمیرکو بھارتی ذرائع ابلاغ کی گمراہ کن رپورٹوںسے بدنام نہیں کیاجاسکتا،عبدالاحد پرہ

بدھ 6 جون 2018 16:47

سرینگر (اُردو پوائنٹ اخبارتازہ ترین - این این آئی۔ 06 جون2018ء) مقبوضہ کشمیرمیںجموںوکشمیر مسلم لیگ کے رہنماء عبدالاحد پرہ نے کہاہے کہ بھارتی حکومت ،اسکی ایجنسیاںاور ذرائع ابلاغ کشمیریوں کے حق خوداردیت کے حصول کی جدوجہد کو بدنام تمام مذموم ہتھکنڈے استعمال کر رہے ہیں۔کشمیرمیڈیاسروس کے مطابق عبدالاحد پرہ نے سرینگر میں مسلملیگ کی ایگزیکٹو کونسل کے اجلاس سے خطاب کرتے ہوئے کہاکہ ان سازشوںکو صرف متحد اور منظم ہو کر ہی ناکام بنایا جاسکتا ہے ۔

(جاری ہے)

انہوںنے واضح کیاکہ آزادی پسند رہنمائوں اور تحریک آزادی کشمیرکو بھارتی ذرائع ابلاغ کی گمراہ کن رپورٹوںسے بدنام نہیں کیاجاسکتا۔ عبدلااحد پرہ نے پارٹی رہنمائوں کو مسلم لیگ کو بنیادی سطح پر مذیدفعال اور متحرک بنانے اور اراکین کے ساتھ باہمی رابطے مزید مستحکم کرنے پر زور دیا۔انہوںنے کہاکہ کشمیری عوام خاص طورپ نوجوان بھارتی تسلط سے آزادی کیلئے بے مثال قربانیاں پیش کر رہے ہیں جنہیں ہرگز رائیگاںنہیں جانے دیا جائیگا ۔