13 ویں آئینی ترمیم مسلم لیگ ن کی حکومت اور وزیر اعظم راجہ فاروق حیدر کاتاریخی کارنامہ ہے ‘ خواجہ ظفر اقبال

جمعہ 8 جون 2018 15:45

میرپور(اُردو پوائنٹ اخبارتازہ ترین - آئی این پی۔ 08 جون2018ء) مسلم لیگ ن کے مرکزی رہنما و سابق سینئر نائب صدر چیمبر آف کامرس خواجہ ظفر اقبال نے کہاہے کہ13 ویں آئینی ترمیم مسلم لیگ ن کی حکومت اور وزیر اعظم راجہ فاروق حیدر کاتاریخی کارنامہ ہے جسے آزادکشمیرکے عوام کبھی بھلانہیں سکتے۔ وزیراعظم راجہ محمد فاروق حیدرخان نے ایکٹ 1974 میں ترامیم کرکے کشمیریوں میں پائی جانے والی بے چینی کوختم کیاہے اور آزاد حکومت کوبااختیاربنایا۔

(جاری ہے)

آزادکشمیرحکومت بااختیار ہونے سے آزادکشمیرکے فیصلے آزادکشمیرمیںہوں گے ۔ ماضی میں بڑے بڑے قدآورحکمران آئے لیکن 13 ویں ترمیم کاکریڈٹ وزیراعظم راجہ محمدفاروق حیدرخان کی قسمت میں لکھا گیا تھا ۔آزاد کشمیر کے عوام میں خوشی کی لہر دوڑ گئی ہے۔ ان خیالات کااظہار انھوں نے صحافیوں سے گفتگو کرتے ہوئے کیا ۔خواجہ ظفر اقبال نے کہاکہ اس ترمیم کی مخالفت کرنے والے دلائل سے بات کریں۔ سیاسی مخالفت اپنی جگہ لیکن آزادکشمیر کے حقوق اور وسیع تر مفاد کی خاطرسیاسی جماعتوں کو اجتماعی طور پرساتھ دیناچاہیے۔