تحریک انصاف آزاد کشمیر کے صدر بیرسٹر سلطان محمود چوہدری کے اعزاز میں مظفرآباد میں افطار ڈنر کا انعقاد

ہفتہ 9 جون 2018 16:25

مظفرآباد (اُردو پوائنٹ اخبارتازہ ترین - آئی این پی۔ 09 جون2018ء) پاکستان تحریک انصاف آزاد کشمیر کے صدر سابق وزیراعظم آزاد کشمیر بیرسٹر سلطان محمود چوہدری کے اعزاز میں دارالحکومت مظفرآباد میں منعقدہ افطار ڈنر کی تقریب میں حلقہ تین مظفرآباد شہر سے امیدوار اسمبلی خواجہ فاروق احمد نے بھرپور سیاسی قوت کا مظاہر کیا ، خواجہ فاروق احمد نے مظفرآباد میں بیرسٹر سلطان محمود چوہدری کے اعزاز میں شایان شان تقریب منعقد کی جس میں پارٹی رہنمائوں ، خواتین عہدیداران، آئی ایس ایف اور یوتھ کے کارکنان کی بڑی تعداد نے شرکت کی ، خواجہ فاروق احمد نے اپنی بھرپور سیاسی قوت کا مظاہرہ کرتے ہوئے خطرے کی گھنٹی بجا دی ہے واضح رہے خواجہ فاروق احمد کا شمار مظفرآباد کے سینئر ترین سیاسی رہنمائوں میں ہوتا ہے ، خواجہ فاروق احمد انتہائی متحرک اورفعال سیاسی راہنما ہیں ۔