عام انتخابات 2018ء ،پاکستان پیپلزپارٹی نے قومی اسمبلی کی عمومی نشستوں پر تمام جماعتوں سے زیادہ ٹکٹ جاری کئے، مسلم لیگ (ن) دس، تحریک انصاف 12،پیپلزپارٹی نے 15 نشستوں پر خواتین امیدواروں کو نامزد کیا

اتوار 1 جولائی 2018 22:40

اسلام آباد ۔ یکم جولائی (اُردو پوائنٹ اخبارتازہ ترین - اے پی پی۔ 01 جولائی2018ء) آئندہ عام انتخابات 2018ء میں قومی اسمبلی کی عمومی نشستوں پر بڑی تین جماعتوں میں سے پاکستان پیپلزپارٹی نے سب سے زیادہ نشستوں پر خواتین کو پارٹی ٹکٹ جاری کئے ہیں، مسلم لیگ (ن) نے دس، تحریک انصاف نے 12 جبکہ پیپلزپارٹی نے 15 نشستوں پر خواتین امیدواروں کی نامزدگی کی ہے۔

ریٹرننگ افسران کی جانب سے جاری حتمی فہرستوں کے مطابق پاکستان مسلم لیگ (ن) نے این اے 23 چارسدہ سے طاہرہ بخاری، این اے 27 پشاور سے ثوبیہ شاہد، این سے 77 نارووال سے مہناز اکبر، این اے 87 منڈی بہائو الدین سے سائرہ افضل تارڑ، این اے 93 خوشاب سے سمیرا ملک، این اے 118 ننکانہ سے شذرا منصب علی خان، این اے 127 لاہور سے مریم نواز شریف، این اے 164 وہاڑی سے تہمینہ دولتانہ، این اے 220 عمر کوٹ سے نیلم کماری اور این اے 265 بلوچستان سے راحیلہ حمید درانی کو جنرل نشستوں پر ٹکٹ جاری کئے ہیں۔

(جاری ہے)

تحریک انصاف کی جانب سے این اے 72 سیالکوٹ سے فردوس عاشق اعوان، این اے 90 سرگودھا ڈاکٹر نادیہ عزیز، این اے 125 لاہور ڈاکٹر یاسمین راشد، این اے 168 بہاولنگر فاطمہ طاہر بشیر چیمہ، این اے 173 بہاولپور خدیجہ عامر، این اے 182 مظفر گڑھ تہمینہ دستی، این اے 184 سیدہ زہرہ باسط بخاری، این اے 191 ڈیرہ غازی خان زرتاج گل، این اے 220 لاڑکانہ حلیمہ بھٹو، این اے 201 لاڑکانہ قرة العین، این اے 211 نوشہرو فیروز غزالہ حسین کو پارٹی ٹکٹ جاری کئے ہیں۔

پاکستان پیپلزپارٹی کی جانب سے این اے 17 ہری پور سے شائستہ رزاق، این اے 27 پشاور سے اسماء عالمگیر، این اے 35 بنوں سے سیدہ یاسمین صفدر، این اے 57 مری سے مہرین انور راجہ، این اے 62 راولپنڈی سمیرا گل، این اے 74 سیالکوٹ نرگس فیض ملک، این اے 132 لاہور ثمینہ خالد گھرکی، این اے 163 وہاڑی نتاشہ دولتانہ، این اے 166 بہاولنگر نازیہ ایوب، این اے 193 راجن پور شازیہ عابد، این اے 216 سانگھڑ شازیہ مری، این اے 232 ٹھٹھہ شمس النساء میمن، این اے 243 کراچی سے شہلا رضا، این اے 191 ڈیرہ غازی خان پروین اختر اور این اے 208 خیرپور نفیسہ شاہ کو پارٹی ٹکٹ جاری کیا ہے۔انتخابی قانون 2017کے تحت ہر جماعت پابند ہے کہ وہ عمومی نشستوں پر 5فیصد ٹکٹ خواتین کو الاٹ کرے۔

Facebook Twitter Google + Share on Whatsapp

متعلقہ عنوان :

مزید اہم خبریں