ساہیوال، کارکنان ذوالفقارعلی بھٹو شہید کے پیغام کوگھر گھر پہنچائیں ، راناعامرشہزاد

بدھ 4 جولائی 2018 18:28

ساہیوال۔4 جولائی(اُردو پوائنٹ اخبارتازہ ترین - اے پی پی۔ 04 جولائی2018ء) پاکستان پیپلزپارٹی کے امیدوار این اے 147 راناعامرشہزاد طاہر نے کہاہے کہ وہ پیپلزپارٹی کے بانی قائدعوام ذوالفقارعلی بھٹو شہیداور بی بی بینظیربھٹو شہید کاپیغام گھر گھر پہنچائیں اور پارٹی کو کامیاب کروائیں۔

(جاری ہے)

وہ گذشتہ روز ریلوے روڈ پرمقامی ہوٹل میں خواتین کے ایک اجتماع سے خطاب کررہے تھے۔ اس موقع پر پی پی 197 کے امیدوار نعیم نثارچوہدری بھی موجود تھے۔ انہوں نے کہا کہ ساہیوال شہر کے پانی میں مٹھاس اورمحبت ایسی ہے کہ میں الیکشن میں حصہ لینے پر مجبورہوں ،آپ میری مائوں اوربہنوں کی طرح ہیں، آپ کی کوششوں سے میں کامیاب ہوجائوں گااور منتخب ہونے کے بعد آپ کے بیروزگار بچوں کونوکریاں دلائوں گا۔