پاکستان سنی تحریک ساہیوال نے پاکستان تحریک انصاف کی حمایت کا اعلان کردیا

ہفتہ 7 جولائی 2018 18:42

ساہیوال۔7 جولائی(اُردو پوائنٹ اخبارتازہ ترین - اے پی پی۔ 07 جولائی2018ء) پاکستان سنی تحریک ساہیوال نے انتخابات 2018میں پاکستان تحریک انصاف کی حمایت کا اعلان کردیا ۔

(جاری ہے)

اس امر کا باقاعدہ اعلان پاکستا ن سنی تحریک ساہیوال کے ضلعی صدر محمداعجاز قادری نے تحریک انصاف کے امیدواروں این اے 147 چوہدری نوریز شکور کے صاحبزادے چوہدری علی شکور اور پی پی 197 حاجی شیخ محمد چوہان کی موجودگی میں ساہیوال پریس کلب میں ایک پریس کانفرنس سے خطاب کرتے ہوئے کیا ۔

پریس کانفرنس میں مسلم لیگ ن کے ناراض کارکن رائو اشفاق احمد اور پیپلزپارٹی کے رہنما خالد محمودچوغطہ نے پاکستان تحریک انصاف میں شمولیت کرنے کا اعلان کیا ۔ اس موقع پر حاجی شیخ محمدچوہان اورچوہدری علی شکور نے تمام جماعتوں کے راہنمائوں کی طرف سے حمایت کرنے پر ان کا شکریہ اداکیا اور کہاکہ انشاء الله پاکستان تحریک انصاف بھاری اکثریت سے کامیاب ہو گی اور عمران خان کو ملک کا وزیراعظم بنا یاجائے گا ۔