جمعیت علما اسلام کے زیر اہتمام واشک بازار میں انتخابی جلسہ،رہنمائوں اور کارکنوں کی بڑی تعداد میں شرکرت

متحدہ مجلس عمل علما کا کاروان عوامی ترقی و علاقائی خوشحالی کیلئے برسر پیکار ہے، شرکاء کا خطاب

پیر 9 جولائی 2018 20:35

واشک (اُردو پوائنٹ اخبارتازہ ترین - آئی این پی۔ 09 جولائی2018ء) جمعیت علما اسلام واشک کے زیر اہتمام واشک بازار میں انتخابی جلسہ منعقد ہوا متحدہ مجلس عمل کے نامزد امیدوار قومی اسمبلی حلقہ این اے 271 حاجی عطا اللہ،سردار عبدالرشید ریکی،حاجی بشار اللہ آلہ زئی،میرخدا رحیم عیسی زئی و دیگر نے کہا کہ متحدہ مجلس عمل علما کا کاروان ہے جو عوام کی ترقی و علاقائی خوشحالی کیلئے برسر پیکار ہے انھوں نے کہا کہ واشک بلوچستان کا پسماندہ ترین ضلع ہے واشک کو کروڑوں کے فنڈز کہاں اور کیسے خرچ کی گئی جو عوام کے علم میں نہیں ۔

جلسے سے ملک محمد عمر آلہ زئی /مولوی مجید کینگی ، مفتی حمزہ، مولوی نذیر آحمد، میر نور آحمد میروانی ،حافظ کلیم اللہ ڈومکی و دیگر نے کہا واشک کے عوام نے صوبائی اور قومی اسمبلی کی نشست پر علما کا جو ساتھ دینے کا فیصلہ کی ہے علما عوام کو کسی صورت مایوس نہیں کریگی ۔

(جاری ہے)

انھوں نے کہا کہ واشک میں بنیادی سہولیات کا نہ ہونا اس بات کی عکاسی کرتا ہے کہ قومی وصوبائی کے سابق نمائندوں نے اجتماعی ترقی کے بجائے انفرادی ترقی کو ترجیح دیکر عوام کو مایوس کیا۔

انھوں نے کہا کہ متحدہ مجلس عمل عوام کی آواز ہے اور عوامی آواز بن کر اسمبلیوں میں موثر اور فعال حق نمائندگی کا حق ادا کریگی حاجی عطا اللہ و دیگر نے کہا کہ بلوچستان میں عوام کی طرف سے متحدہ مجلس عمل کے امیدواروں کی جو حوصلہ افزائی ہو رہی وہ قابل تحسین ہے عوام مزید شعور کا مظاہرہ کرتے ہوئے پچیس جولائی انتخابی نشان کتاب پر مہر ثبت کرکے ثابت کر دیں کہ علما نمائندگی کا مستحق طبقہ ہے جو ظلم اور ناانصافی کے خلاف سیسہ پلائی دیوار بنے گی ۔