پری پول دھاندلی نہ رکی تو گھناؤنے نتائج نکلیں گے،نوازشریف
یہ خام خیالی ہے کہ ہم دھاندلی زدہ انتخابی نتائج پرایمان لےآئیں گے،جوکچھ ہوچکا سب لکھا جاچکا ہے،مشرف بزدلی سے باہربیٹھا ہوا،واپسی کا دم خم نہیں،میں کسی سزا سےنہیں ڈرتا یہ سزائیں جعلی ہیں،جب کرپشن نہیں توسزا کس چیز کی؟ پہلا قدم اٹھا دیا یقین ہے قوم ساتھ دے گی۔قائدن لیگ نوازشریف کی لندن میں میڈیا سے گفتگو
ثنااللہ ناگرہ جمعرات 12 جولائی 2018 20:10
(جاری ہے)
اگر ایسا ہوتا توہمیں طلاع دی جاتی۔ جس نے یہ شوشہ چھوڑا ہے۔آپ سمجھتے ہیں کیوں یہ شوشے چھوڑیں جارہے ہیں۔ وہ نہیں چاہتے کہ میں پاکستان آؤں۔
مجھے پیغامات بھی مل چکے ہیں لیکن وہ یہ نہیں جانتے نوازشریف ایسی بے اصولی کاقائل نہیں ہے۔ نوازشریف اس طرح کی باتوں کوسمجھتا ہے اس طرح کے فریب میں نہیں آؤں گا۔انہوں نے کہا کہ بائیکاٹ کی بات چھوڑیں ،میرا فرض ہے کہ جوکچھ ہورہا ہے وہ عوام کے نوٹس میں لیکر آؤں۔ پاکستانی اور انٹرنیشنل میڈیا رپورٹ کررہا ہے کہ پاکستان میں دھاندلی کی جارہی ہے۔ نوازشریف نے کہا کہ لاہور میں پکڑ دھکڑ ہورہی ہے۔الیکشن سے چند دن پہلے ن لیگ کیخلاف اس طرح کی کاروائیاں ہورہی ہیں۔ باقی پارٹیاں الیکشن مہم کررہی ہیں۔ن لیگ کے کارکنان کوبڑے پیمانے پرراتوں رات اپنے گھروں سے اٹھایا جاتا ہے۔ یہ کس طرح کے الیکشن کروانے جارہے ہیں؟ انہوں نے کہا کہ اگر یہ سمجھتے ہیں کہ الیکشن پرہم بھی ایمان لے آئیں گے۔ بھئی یہ آپ کی خام خیالی ہے۔اس طرح کے الیکشن سے کیا نتایج نکلیں گے؟ اس طرح کی پری پول دھاندلی کا کوئی اندازہ نہیں کرسکتا۔ کہ جب بھی ایسا ہوا ہے اس کے ملک وقوم کیلئے بڑے گھناؤنے نتائج نکلیں ہیں۔اگر یہ سلسلہ آج اور اسی وقت ختم نہیں ہوتا تواس کے بھی بڑے گھناؤنے نتائج نکلیں گے۔انہوں نے کہا کہ جوکچھ یہ کرچکے ہیں وہ سب کے نوٹس میں آچکا ہے اور لکھا جاچکا ہے۔ن لیگ ن کے امیدواروں کوڈرا دھمکا کرجیسے وفاداریاں تبدیل کروائی گئیں ،ن لیگ کوچھڑوا کرپی ٹی آئی کوجوائن کروایا گیا،جیپ کانشان دلوایا گیا، شیر کانشان ختم کردیں۔یہ باتیں ریکارڈ ہوگئی ہیں۔جن لوگوں نے بھی یہ کروایا ان کوجواب دینا پڑے گا۔انہوں نے کہا کہ ابھی جومشرف نے کیا اس میں اتنا دم خم ہے ،اتنی جرات ہے کہ وہ پاکستان آسکے۔بزدلی سے باہربیٹھا ہوا ہے۔ مجھے 10سال کی قید اور مریم نواز کو7سال قید سنائی گئی میں پھر بھی جارہا ہوں۔مشرف کوتوابھی کسی قسم کی سزا کا فیصلہ بھی نہیں ہوا۔ وہ ڈرکے چھپ کے بزدلی سے باہر بیٹھا ہوا ہے۔ جن لوگوں نے ملک کیلئے یہ کیا ان کوجواب دینا پڑے گا۔ یہ چھوٹ کے نہیں بھاگ سکیں گے۔انہوں نے کہا کہ ملک وقوم کیلئے برا کھیل رہے ہیں۔1970ء میں بھی یہ کھیل کھیلا گیا لیکن ملک دوٹکڑے ہوگیا۔میں پاکستانی عوام سے کہتا ہوں کہ ان ہتھکنڈوں کامقابلہ کرے۔قوم اکٹھی ہوجائے تویہ کچھ نہیں کرسکتے۔میں نے پہلاقدم اٹھا دیا مجھے یقین ہے پاکستانی قوم میراساتھ دے گی۔قوم پاکستان کے حالات کوبدلے گی۔میں کسی سزا سے نہیں ڈرتا ،یہ جعلی سزائیں ہیں سنانے والے کوئی اور ہیں دلوانے والے کوئی اور ہیں۔تاریخ ثابت کرے گی۔عدالت کے جج نے کہا کہ نوازشریف اور مریم نے کوئی کرپشن نہیں کی۔غیرقانونی کام نہیں کیا۔اگر بری کردیا ہے توپھر کس چیز کی سزا دی گئی ہے؟نوازشریف نے کہا کہ اہلیہ نے آنکھیں کھولی لیکن مجھے پہچان نہیں رہیں۔مریم اپنی بیمار والدہ کوچھوڑ کرواپس جارہی ہیں۔جن حالات میں ہم وطن واپس جارہے ہیں کوئی نہیں جاتا۔مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.