شکارپور میں این اے 198 پر پیپلز پارٹی امیدوار میر عابد بھیو کے کاغذات نامزدگی بحال ہونے پر پی پی کارکنوں نے جشن منایا اور بھنگڑا ڈالا

شکارپور (اُردو پوائنٹ اخبارتازہ ترین - این این آئی۔ 18 جولائی2018ء) شکارپور میں این اے 198 پر پیپلز پارٹی امیدوار میر عابد بھیو کے کاغذات نامزدگی بحال ہونے پر پی پی کارکنوں نے جشن منایا اور بھنگڑا ڈالا۔ امیدواروں کی جانب سے انتخابی مہم تیز کردی گئی ۔

(جاری ہے)

تفصیلات کے مطابق شکارپور کے این اے 198 پر پی پی پی امیدوار میر عابد خان بھیو کا فارم لاڑکانہ ہائی کورٹ نے مخالف امیدوار امیر علی جتوئی کا اعتراض رد کرتے ہوئے فارم بحال کردیا ہے،فیصلے کے بعد بھیو ہائو س پر جشن ، کارکانن کی جانب سے مٹھائیں تقسیم کی گئی ، دوسری جانب پی ایس 07پر پی پی پی امیدوار امتیا زاحمد شیخ ، این اے 198پر میر عابد بھیو اور پی پی پی رہنما میر بابل خان بھیو کی جانب سے انتخابی مہم کے سلسلہ میں مختلف گائوں کا دورا کیا ، جن میں گائوں مکھنو بھٹو میں اعجاز بھٹو ،حافظ ارباب ، خلیل بھٹو ،گائوں جنو میں عبداللہ بھٹو ، غلام رسول بھٹو ،میاں نور احمد علوی ،عبدالوہاب بھٹو ،دلبر خان مہراور عرفان خان مہر ،گائوں بوجا ناپر میں محمد علی جعفری ،دیھ داین جی وانڈ میں جانب بھٹو ،گائوں علی نواز بروہی میں علی نواز بروہی ، گائوں عبدالرحمن بروہی میں گلشیر اور ملنگ اور دیگر گائوں کا دورہ کیا ،جبکہ شکارپور شہر میں سبزاز ہال میں زیاب خان جھلن، جگنو شادی ہال میں وقاص پہنور اور دیگر کی جانب سے منعقد جلسوں میں شریک ہوئے ،مختلف کارنر اجلاسوں سے خطاب کرتے ہوئے امتیازاحمد شیخ نے کہاکہ مخالفین کو قدم قدم پر شکست دیں گے ،شکارپور کے عوام کے ساتھ جان کا سود ا کیا ہے، سیاست کو عبادت سمجھتا ہوں اور عبادت کرنے سے کوئی نہیں روک سکتا، عوامی خدمت کرنے کا جذبہ میری نس نس میں شامل ہے، شہید ذوالفقار علی بھٹو اور شہید محترمہ بینظیر بھٹو نے ہمیشہ عوامی خدمت کا درس دیا ،میں شکارپور کے عوام کے ساتھ 24 گھنٹے رابطے میں ہوں ماضی میں بھی رابطے میں تھا اور مستقبل میں بھی رابطے میں رہوں گا ،دوسری جانب پی پی رہنما فراز امتیاز شیخ کی جانب سے شکارپور شہر کے مختلف محلوں میں کارنر میٹنگوں میں شرکت کی ۔