قومی اسمبلی کے 9 آزاد امیدواروں نے تحریک انصاف میں شمولیت اختیارکرلی

4 کی آزاد حیثیت برقرار، پنجاب اسمبلی کے 23 آزاد اراکین نے تحریک انصاف ، ایک نے ن لیگ اور 1 نے رائے حق پارٹی میں میں شمولیت اختیار کرلی

جمعہ 10 اگست 2018 20:51

قومی اسمبلی کے 9 آزاد امیدواروں نے تحریک انصاف میں شمولیت اختیارکرلی

اسلام آباد(اُردو پوائنٹ اخبارتازہ ترین - آن لائن۔ 10 اگست2018ء) قومی اسمبلی کے 9 نومنتخب آزاد اراکین نے الیکشن کمیشن میں سیاسی جماعتوں میں شمولیت کے حلف نامے جمع کرا دئیے،ذرائع کے مطابق قومی اسمبلی کے 9 آزاد امیدواروں نے تحریک انصاف میں شمولیت کے حلف نامے جمع کروا دئیے جبکہ 4 ارکان نے آزاد حیثیت برقرار رکھی ہے ۔

(جاری ہے)

این اے 13 سے صالح محمد ،این اے 101 سے محمد عاصم نذیر،این اے 150 سے سید فخر امام،این اے 166 سے عبدالغفار نے تحریک انصاف میں شمولیت اختیار کرلی ہے جبکہ این اے 181 سے شبیر علی،این اے 190 سے امجد فاروق اور این اے 205 سے علی محمد ،این اے 97 ثنا ئ اللہ مستی خیل اور این اے 185 مخدوم زادہ باسط سلطان بجاری نے بھی تحریک انصاف میں شمولیت کے حلف نامے جمع کروا دیئے ہیں ۔

پنجاب اسمبلی سے 26 آزاد امیدواروں نے سیاسی جماعتوں میں شمولیت کے حلف نامے جمع کرائے۔پنجاب اسمبلی کے 23 آزاد اراکین نے تحریک انصاف جبکہ 1 رکن نے مسلم لیگ ن اور 1 نے رائے حق پارٹی میں میں شمولیت اختیار کرلی ہے ۔پنجاب اسمبلی کے 3 امیدواروں نے آزاد حیثیت سے برقرار رکھا ہے ۔