محترمہ نورین عارف نے کہوڑی تا ہیر کٹلی 2کلومیٹر سڑک کا سنگ بنیاداور گھنڈی پیراں1کلومیٹرکاافتتاح کر دیا

مظفرآباد(اُردو پوائنٹ اخبارتازہ ترین - این این آئی۔ 20 اگست2018ء) آزاد کشمیر کی وزیر صنعت و حرفت و سماجی بہبود محترمہ نورین عارف نے کہوڑی تا ہیر کٹلی 2کلومیٹر سڑک کا سنگ بنیاداور گھنڈی پیراں1کلومیٹرکاافتتاح کر دیا ۔ عوام علاقہ کا زبردست جوش و خروش ، وزیرحکومت اور مسلم لیگ ن کے حق میں نعرے لگائے ۔ اس موقع پر عوامی اجتماع سے خطاب کرتے ہوئے وزیر سماجی بہبود محترمہ نورین عارف نے کہاکہ آزاد کشمیر میں مسلم لیگ ن راجہ محمد فاروق حیدر خان کی قیادت میں خطہ کی تقدیر بدلنے کے لئے کوشاں ہے ۔

ریاست سے کرپشن ، ناانصافی اور میرٹ کی پامالی کو ختم کر دیا گیا ہے ۔ اداروں کے وقار کو بحال کر دیا گیا ہے یہاں پر حقیقی معنوں میں عوام کی حکومت قائم ہے ۔ انہوں نے کہا کہ حلقہ کوٹلہ کے عوام کے تمام مسائل حل کریں گے۔

(جاری ہے)

ماضی کی زیادتیوں کا ازالہ کریں گے ۔ اب کسی کے ساتھ ناانصافی نہیں ہوگی ۔انہوں نے کہا کہ مسلم لیگ ن نے عوام سے جو وعدے کیے تھے وہ تمام وعدے وفا کریں گے ۔

ہماری حکومت نے ترقیاتی کاموں پر فوکس کر رکھا ہے ۔ ریاستی عوام کا معیار زندگی بلند کر نے کے لیے تمام تر صلاحیتیں برئوے کار لائیں گے ۔ انہوں نے کہا کہ ہم نے دور دراز علاقوں میں شہر جیسی سہولیات کی فراہمی کا تہیہ کر رکھا ہے ۔ آزاد کشمیر میں ترقیاتی عمل کا آغاز ہو چکا ہے اور اب یہ عمل تیزی سے جاری ہے ۔ تقریب سے ضلعی صدر مسلم لیگ ن ڈاکٹر راجہ عارف خان، حلقہ کوٹلہ کے صدر راجہ امتیاز خان ، تحصیل پٹہکہ کے صدر سردارزمان ، ملک شیر افضل ،ایڈمنسٹریٹر پٹہکہ عبداللہ خان،سید زاہد حسین شاہ ، بابوعارف خان ، راجہ فراز عارف ، ناظم عباسی ،، عبدالکریم چوہدری ، نعمان ذادا اور دیگر نے بھی خطاب کیا ۔

اس موقع پر عوام علاقہ نے وزیر حکومت کی کارکردگی کو سراہا اور انکو مکمل تعاون کا یقین دلایا ۔