آئندہ چند روز کے دوران ملک کے اکثر علاقوں میں موسم سرد اور خشک رہنے کا امکان

منگل 27 نومبر 2018 10:20

اسلام آباد ۔ (اُردو پوائنٹ اخبارتازہ ترین - اے پی پی۔ 27 نومبر2018ء) محکمہ موسمیات کے مطابق آئندہ چند روز کے دوران ملک کے اکثر علاقوں میں موسم سرد اور خشک رہے گا جبکہ آئندہ چوبیس گھنٹوں کے دوران بھی ملک کے بیشتر علاقوں میں موسم سرد اور خشک رہنے کا امکان ہے تاہم بالائی علاقوں ملا کنڈ،مردان،کوہاٹ اور پشاور سمیت راولپنڈی اور اسلام آباد میں کہیں کہیں ہلکی بارش اور پہاڑی علاقوں میں برف باری ہو سکتی ہے ۔

(جاری ہے)

رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم سرد اور خشک رہا ہے،سب سے کم درجہ حرارت سکردو میں منفی 5 ریکارڈ کیا گیا جبکہ گوپس میں منفی2،گلگت اور استور میں منفی ایک ریکارڈ کیا گیا۔