Live Updates

وفاقی حکومت کا پاکستان پینل کوڈ میں ترمیم کرنے کا فیصلہ

ہمارے ملک میں سزائے موت کا قانون ہے، جس کے باعث بہت سے ممالک ہمارے قیدی واپس نہیں کرتے، سزائے موت کے قانون میں ترمیم کرنے سےان ممالک سے ڈاکوچوروں کوواپس لایا جا سکے گا۔ وفاقی وزیراطلاعات فواد چودھری کی میڈیا بریفنگ

Sanaullah Nagra ثنااللہ ناگرہ منگل 16 اپریل 2019 17:17

وفاقی حکومت کا پاکستان پینل کوڈ میں ترمیم کرنے کا فیصلہ
اسلام آباد(اردوپوائنٹ اخبارتازہ ترین۔16 اپریل 2019ء) وفاقی حکومت نے پاکستان پینل کوڈ میں ترمیم کرنے کا فیصلہ کرلیا۔وزیراطلاعات فواد چودھری نے کہا کہ ہمارے ملک میں سزائے موت کا قانون ہے، جس کے باعث یورپی یونین سمیت بہت سے ممالک ہمارے قیدی واپس نہیں کرتے،سزائے موت کے قانون میں ترمیم کرنے سے ان ممالک سے ڈاکوچوروں کوواپس لایا جا سکے گا۔ وفاقی کابینہ کے اجلاس کے بعد میڈیا بریفنگ میں وزیراطلاعات فواد چودھری نے کہا کہ اجلاس میں ایمنسٹی اسکیم پر بحث ہوئی ہے، لیکن فی الحال ایمنسٹی اسکیم کی منظوری نہیں دی جاسکی۔

اثاثہ جات ڈکلیریشن اسکیم پر کل اجلاس ہوگا۔ اثاثہ جات ڈکلیریشن اسکیم کو کل کمیٹی کے سامنے پیش کیا جائے گا۔انہوں نے کہا کہ نوازشریف اور آصف زرداری خاندان نے کرپشن کی۔

(جاری ہے)

آصف زرداری نے کرپشن کیلئے اپنے بینک کھول رکھے تھے۔انہوں نے کہا کہ اسحاق ڈار ، حسن اور حسین نوازعدالتوں کا سامنا ہے لیکن پیش نہیں ہورہے بلکہ ملک سے باہر ہیں۔فواد چودھری نے کہا کہ اگر 26ملین ڈالر جمع کرکے پاکستان لاتے ہیں توسوچیں شریف فیملی کا بیرون ملک کتناپیسا پڑا ہے۔

26ملین ڈالر ٹی ٹی کے ذریعے شہبازشریف کو منتقل ہوئے۔حمزہ شہبازکے 98فیصد اثاثے ٹی ٹی پر منحصر ہیں۔منی لانڈرنگ کے حالیہ کیسز پر کابینہ نے تحفظات کا اظہار کیا ہے۔منی لانڈرنگ کو منطقی انجام تک پہنچائیں گے۔شریف فیملی نے اقامے کیوں رکھے ہوئے تھے؟ اس کی مزید تفصیلات سامنے آئیں تو نیندیں اڑ جائیں گی۔اب اس پر ہماری حکومت کی تحقیقات سامنے آئیں گی۔

اس دھندے میں وزراء بھی شامل تھے۔احسن اقبال اور خواجہ آصف نے اقامے رکھے ہوئے تھے۔وفاقی وزیراطلاعات نے کہا کہ حکومت نے پاکستان اسٹیل کو بحال کرنے کا منصوبہ بنا لیا ہے۔ابھی تک پاکستان اسٹیل مل کیلئے 6کمپنیز نے دلچسپی کا اظہار کیا ہے۔اسٹیل مل سے ہماری ڈیمانڈ9ملین ٹن تک ہے، پیداوار کو ایک ملین ٹن سے 3 ملین ٹن تک لے جائیں گے۔ فواد چودھری نے کہا کہ وفاقی حکومت نے ہائیرنگ پالیسی میں تبدیلی کی ہے۔

سابق دور حکومت میں بھرتیوں کا کوٹہ ارکان اسمبلی کو دیا جاتا تھا لیکن اب ہم میرٹ پر بھرتیاں کریں گے۔گریڈ ایک سے 5 تک کی بھرتی کیلئے قرعہ اندازی کی جائے گی۔ وزیراعظم عمران خان کل ہاؤسنگ اسکیم کا افتتاح کریں گے۔ پہلے مرحلے میں ایک لاکھ 35 ہزار اپارٹمنٹس بنا رہے ہیں۔ ہماری حکومت 5سالوں میں 50ہزار گھر بنائے گی۔فواد چودھری نے کہا کہ نیشنل ایکشن پلان کے بعد دہشتگردی کے واقعات میں کمی آئی ہے۔دہشتگردی کے واقعات کو ختم کریں گے۔ دہشتگردی میں بیرونی قوتیں ملوث ہوتی ہیں۔انہوں نے کہا کہ کابینہ میں کوئی تبدیلی نہیں ہورہی، سب وزراء اپنا اپنا کام کررہے ہیں، تبدیلی کرنا ہوئی تووزیراعظم آفس کرے گا۔
Live عمران خان سے متعلق تازہ ترین معلومات