حکمرانوں پر شریف خاندان کی بوکھلاہٹ طاری ہے انہیں اپوزیشن نہیں اپنی نااہلی سے خطرہ ہے‘پرویز ملک

لاہو ر(اُردو پوائنٹ اخبارتازہ ترین - این این آئی۔ 26 اپریل2019ء) مسلم لیگ (ن) لاہورکے جنرل سیکرٹری و رکن پنجاب اسمبلی خواجہ عمران نذیر نے ن لیگ کے تین ممبران پنجاب اسمبلی کی رکنیت معطل کرنے کی شدید الفاظ میں مذمت کرتے ہوئے کہا ہے کہ ڈپٹی سپیکر اور حکومت ہوش کے ناخن لیں یہ جمہوری ایوان ہے، جمہوریت ہے تو زبان بھی چلے گی ،ہم اس آمرانہ فیصلے کو تسلیم نہیں کرتے ،حکومت سپیکر اور ڈپٹی سپیکر اپنے رویے کو ٹھیک کرے،گذشتہ روز جوجانبدار انہ فیصلہ کیا گیا اور ن لیگ کے تین ممبران کو کی رکنیت کو معطل کیا گیا اس کی آمرانہ اددوار میں بھی مثال نہیں ملتے ،یہ کیسی جمہوریت ہے کہ جو لگتی تو جمہوریت ہے لیکن آمریت سے بھی بد تر ہے، سپیکر اور ڈپٹی سپیکر پورے ہاؤس کے کسٹوڈین ہوتے ہیں ، ان سے اتنی جانداری کا مظاہرہ کر نے کی توقع نہیں تھی ، اگر ایسے ہی کرنا ہے تو نیازی صاحب کو چاہیے کہ وہ ان کو سول ایڈمنسٹریٹر منتخب کرائے ،کیونکہ جمہوریت رہے تو زبان چلے گی حکمرانوں پر شریف خاندان کی گھبراہٹ اور بوکھلاہٹ طاری ہے ۔

(جاری ہے)

حکومت کو اپوزیشن نہیں اپنی نااہلی سے خطرہ ہے، آٹھ ماہ کی ناقص ترین حکومتی کارکردگی نے عمران خان کی نااہلی ثابت کر دی ہے۔تبدیلی کا نعرہ صرف وزرا کی تبدیلی تک محدود ہو گیا ہے، اسد عمر کی ناکامی دراصل حکومت کی ناکامی ہے،عمران خان کا تراشا گیا بت ٹوٹ چکا ہے،وہ اپوزیشن کو بلڈوز کرنے کا خیال چھوڑ دے۔وزیراعظم کا اوپننگ بیٹسمین زیرو پر آٹ ہو گیا ہے۔

بلوچستان میں دہشت گردی کے پیچھے بھارت کا ہاتھ ہے۔ حکومت کو اپوزیشن نہیں اپنی نااہلی سے خطرہ ہے۔ار آنے کے آٹھ ماہ بعد ہی حکومت کے ہاتھ پاؤں پھول جاتے ہیں ۔ انہوں نے کہا کہ حکومتی معاملات کا یہ حال ہے کہ غریب آدمی کا جینا مشکل ہو گیا ہے۔ معیشت وینٹی لیٹر پر ہے، عوام مہنگائی اور عمران خان شریف خاندان کے بغض میں جل رہے ہیں۔ حکومت ان سے سنبھالی نہیں جا رہی نہ ہی ملکی معیشت کی بہتری کے لئے ان کے پاس کوئی پروگرام ہے یہ سب اناڑی کھلاڑیوں کا نالائق ٹولہ ہے۔