عظیم کشمیری شخصیت یوسف بچھ مرحوم کی وصیت کے مطابق تدفین کے لیے شاندار انتظامات کا خیر مقدم

جمعہ 31 مئی 2019 18:49

مظفر آباد ۔ (اُردو پوائنٹ اخبارتازہ ترین - اے پی پی۔ 31 مئی2019ء) عظیم کشمیری شخصیت یوسف بچھ مرحوم کے خاندان اور لواحقین نے وزیر اعظم آزاد کشمیر راجہ محمد فاروق حیدر خان کی طرف سے مرحوم یوسف بچھ کی وصیت کے مطابق ان کی تدفین کے لیے شاندار انتظامات کا بھرپور خیر مقدم کیا ہے۔

(جاری ہے)

وزیر اعظم آزاد کشمیر کی طرف سے کشمیری راہنما مرحوم یوسف بچھ کی تدفین، میت امریکہ سے مظفرآباد لانے اور میر واعظ مولانا محمد یوسف شاہ اور کے ایچ خورشید کے پہلو میں تدفین کا دل کی عمیق گہرائیوں سے خیر مقدم کرتے ہیں۔

وزیر اعظم آزاد کشمیر کے اس اقدام سے تارکین وطن اور مقبوضہ کشمیر میں مثبت پیغام گیا ہے۔ مرحوم یو سف بچھ کی میت کے ساتھ آئے ان کے بھانجوناور بھتیجوں نے کہا وزیر اعظم آزاد کشمیر کی طرف سے لواحقین کے ساتھ جس مہمان نوازی اور عزت افزائی کا مظاہرہ کیا وہ ہمیشہ یاد رکھا جائے گا۔ مرحوم یوسف بچھ کی میت کے ساتھ آئے لواحقین امریکہ کے لیے روانہ ہو گئے ۔ اس موقع پر وزیر اعظم آزاد کشمیر نے پورے اعزاز کے ساتھ انھیں رونہ کیا۔