عیدالفطر کی تعطیلات کے دوران زائد کرایہ اور اورلوڈنگ کی روک تھام کے سلسلہ میں اجلاس

جمعہ 31 مئی 2019 19:02

مظفرآباد (اُردو پوائنٹ اخبارتازہ ترین - این این آئی۔ 31 مئی2019ء) ایڈیشنل ڈپٹی کمشنر (جنرل) مظفرآباد /سیکرٹری ریجنل ٹرانسپورٹ اتھارٹی مظفرآباد عاصم خالد اعوان کی زیر صدارت عیدالفطر کی تعطیلات کے دوران زائد کرایہ اور اورلوڈنگ کی روک تھام کے سلسلہ میں اجلاس ہوا۔

(جاری ہے)

جس میں عفت اعظم اسسٹنٹ کمشنر مظفرآباد،عمران عباس نقوی اسسٹنٹ کمشنر رورل،سید غلام محی الدین گیلانی اسسٹنٹ کمشنر پٹہکہ (نصیرآباد)،شہزاد نسیم عباسی ایکسٹرااسسٹنٹ کمشنر مظفرآباد،ذاکر شیخ ڈی ایس پی ٹریفک پولیس مظفرآباد نے شرکت کی۔

اجلاس میں فیصلہ ہوا کہ عیدسے قبل اکثرزائد کرایہ کی شکایات رہتی ہیں۔علاوہ ازیں اوورلوڈنگ کے باعث حادثات رونما ہونے کاخدشہ رہتا ہے۔جملہ مجسٹریٹ صاحبان ٹریفک پولیس کوہمراہ رکھ کر مظفرآباد کے انٹری/Exitپوائنٹ کے علاوہ شہر/بیرون شہر مختلف مقامات پر زائد کرایہ /اوورلوڈنگ کے خلاف کارروائی عمل میں لائیں گے۔ تاکہ عوام الناس کو بہترین سفری سہولیات کے علاوہ حادثات کی روک تھام کیلئے اقدامات عمل میں لائی جائے۔