حافظ سعید اور جماعة الدعوة کے دیگر راہنماﺅ ں کے خلاف مقدمات درج

 لاہور(اردوپوائنٹ اخبارتازہ ترین-انٹرنیشنل پریس ایجنسی۔03 جولائی۔2019ء) کالعدم جماعة الدعوہ کے سربراہ حافظ سعید سمیت دیگر راہنماﺅں کے خلاف دہشت گردوں کی مالی معاونت کے مقدمات درج کرلیے گئے ہیں. ابتدائی اطلاعات کے مطابق محکمہ انسدادِ دہشت گردی پنجاب نے دہشت گردی میں ملوث کالعدم تنظیموں کے خلاف بڑے کریک ڈاﺅن کا آغاز کردیا ہے اور دہشت گردوں کی مالی معاونت کے الزام میں لاہور، گوجرانوالہ اور ملتان میں 5 کالعدم تنظیموں کیخلاف دہشت گردی ایکٹ کے تحت مقدمات درج کیے گئے ہیں.

(جاری ہے)

ان تنظیموں میں دعوة الارشاد ٹرسٹ ، معاذ بن جبل ٹرسٹ ، الانفال ٹرسٹ، المدینہ فاﺅنڈیشن ٹرسٹ اور الحمد ٹرسٹ شامل ہیں اور مقدمات میں حافظ محمد سعید ، عبدالرحمان مکی ، امیر حمزہ ، محمد یحیی عزیز کو نامزد کیا گیا ہے. ان افراد پر ٹرسٹس کے نام پر دہشت گردی کو پروان چڑھانے اور دہشت گردوں کی مالی معاونت کیلئے فنڈز اکٹھا کرنے کے الزامات ہیں.

سی ٹی ڈی کے مطابق کالعدم تنظیموں کے خلاف بڑے پیمانے پر تفتیش اور تحقیق کے بعد یہ کارروائی کی گئی ہے ان غیر منافع بخش تنظیموں اور ٹرسٹس کے اثاثوں اور پراپرٹیز کے ذریعے دہشت گردی کے لیے مالی سہولت کاری کی گئی. واضح رہے کہ اقوام متحدہ کی سیکورٹی کونسل بھی ان تنظیموں کو کالعدم قرار دے چکی ہے. واضح رہے کہ حکومت پاکستان نے حافظ محمد سعید سے منسلک دو تنظیموں جماعةالدعوة اور فلاح انسانیت فاﺅنڈیشن کے مالی اثاثے ضبط اور ان کا انتظام سرکاری تحویل میں لے چکی ہے.

19 دسمبر کے فیصلوں پر عمل درآمد کے لیے 28 دسمبر 2018کو ایک اور اعلیٰ سطحی میں حکمت عملی کے تحت پہلے مرحلے میں جماعة الدعوة اور فلاح انسانیت فاﺅنڈیشن کو سرکاری تحویل میں لیا گیا تھا جس کے بعد اگلے مرحلے میںجماعة الدعوة کے زیرانتظام دفاتر اور مدارس کو بھی سرکاری تحویل میں لے لیا گیا تھا.