Live Updates

وزیر ریلوے کی ملک بھر میں جاری سیلابی صورتحال کی روشنی میں ٹرینوں اور ٹریکس کی24 گھنٹے نگرانی کی ہدایت

ہفتہ 30 اگست 2025 16:45

اسلام آباد (اُردو پوائنٹ اخبارتازہ ترین - این این آئی۔ 30 اگست2025ء)وفاقی وزیر ریلوے محمد حنیف عباسی نے ہدایت کی کہ ملک بھر میں جاری سیلابی صورتحال کی روشنی میں ٹرینوں اور ٹریکس کی24گھنٹے نگرانی کی جائے اور مسافروں کی سہولیات کو مقدم رکھا جائے۔ ہفتہ کو اجلاس کی صدارت کرتے ہوئے وفاقی وزیر نے پاکستان ریلوے کی آپریشنل کارکردگی اور حفاظتی پروٹوکولزکا جائزہ لیا۔

(جاری ہے)

ریلوے حکام نے وفاقی وزیر کو ریلوے کے انفراسٹرکچر پر سیلاب کے اثرات اور بلاتعطل خدمات کو یقینی بنانے کے لئے کئے جانے والے اقدامات سے آگاہ کیا۔محمد حنیف عباسی نے حادثات کی روک تھام کے لیے فعال اقدامات پر زور دیا اور ٹرینوں کی وقت کی پابندی اور صفائی کی سخت نگرانی پر زور دیا۔انہوں نے کہا کہ ریلوے سٹیشنز بشمول ویٹنگ ایریاز پر بنیادی سہولیات کی فراہمی کو اہم عوامی خدمت کے تحت یقینی بنایا جائے۔