رواں ہفتے کے دوران ملک کے بالائی، وسطی علاقوں میں تیز ہوائوں کے ساتھ بارشوں کا امکان ہے‘محکمہ موسمیات

بدھ 17 جولائی 2019 15:16

لاہور (اُردو پوائنٹ اخبارتازہ ترین - اے پی پی۔ 17 جولائی2019ء) محکمہ مو سمیا ت نے رواں ہفتے کے دوران ملک کے بالائی اور وسطی علاقوں میں تیز ہوائوں اور آندھی کے ساتھ مون سون سلسلے کی مذید بارشوں کی پیش گو ئی کی ہے۔

(جاری ہے)

آ ئندہ ہفتے کے دوران کشمیر، اسلام آباد، بالائی پنجاب اور بالائی خیبر پختونخواہ میں تیز ہوائوں اور گرج چمک کے ساتھ بارش کا امکان ہے جبکہ راولپنڈی ،گوجرانوالہ لاہور ڈویژن اسلام آباد اور کشمیر میں چند مقامات پر موسلادھار بارش کا امکان ہے، محکمہ موسمیات کے مطابق گزشتہ 24گھنٹوں کے دوران لاہور ،گوجرانوالہ ،راولپنڈی ،کشمیر میں مقامات پر تیز ہوائوں آندھی اورگرج چمک کے ساتھ بارش ہوئی جبکہ ملک کے دیگر علاقوںمیں موسم گرم اور مرطوب رہا۔

محکمہ موسمیات کے مطابق آئندہ 24گھنٹوں کے دوران لاہور ڈویژن سمیت راولپنڈی، گوجرانوالہ، سرگودھا، فیصل آباد اور اسلام آباد میں کہیں کہیں جبکہ ملتان اور ساہیوال ڈویژن میں چند مقامات پر تیز ہواو،ْں،آندھی اور گرج چمک کے ساتھ بارش کا امکان ہے جبکہ ملک کے دیگر علاقوں میں بدستور موسم گرم اور مرطوب رہیگا۔