چیف جسٹس عدالت العالیہ آزادکشمیر ایم تبسم آفتاب علوی کانفرنس میں شرکت کیلئے امریکہ روانہ ہوگئے

بدھ 11 ستمبر 2019 15:42

مظفرآباد(اُردو پوائنٹ اخبارتازہ ترین - این این آئی۔ 11 ستمبر2019ء) چیف جسٹس عدالت العالیہ آزادکشمیر ایم تبسم آفتاب علوی پاکستانی امریکن لائرز فار سول اینڈ لیگل رائٹس نیویارک کے یز اہتمام منعقدہ جوڈیشل ایکٹوازم کانفرنس میں شرکت کے لیے گزشتہ روز امریکہ روانہ ہوگئے۔

(جاری ہے)

پروٹوکول آفیسر عدالت العالیہ خواجہ احسن امتیاز بھی ان کے ہمراہ ہوں گے۔چیف جسٹس عدالت العالیہ کو کانفرنس میں شرکت کی دعوت پاکستان امریکن لائرز فار سول اینڈ لیگل رائٹس کی طرف سے دی گئی ہے۔چیف جسٹس عدالت العالیہ ایم تبسم آفتاب علوی 2ہفتے تک امریکہ میں قیام کریں گے۔