سرگودھا کے قصبہ ساہیوال کے مین بازار میں سرشام ڈکیتی ‘ دو مسلح ڈاکو موبائل شاپ سے گن پوائنٹ پر پانچ لاکھ روپے چھین کر فرار

منگل 12 نومبر 2019 12:35

سرگودھا(اُردو پوائنٹ اخبارتازہ ترین - این این آئی۔ 12 نومبر2019ء) سرگودھا کے قصبہ ساہیوال کے مین بازار میں سرشام ڈکیتی کی واردات میں دو مسلح ڈاکو موبائل شاپ سے گن پوائنٹ پر پانچ لاکھ روپے چھین کر فرار ہو گئے۔جس پر انجمن تاجران نے شدید احتجاج ملزمان کی فوری گرفتاری اور مسروقہ رقم کا مطالبہ کر دیا۔

(جاری ہے)

زرائع کے مطابق مین بازار موبائل شاپ کے مالک ارشد رسول انجم جسب معمول کیش کاونٹر پر مصروف تھے کہ اچانک موٹر سائیکل سوار دو مسلح ڈاکووں نے دکان میں داخل ہو کر اسلحہ تان لیا اور گن پوائنٹ پر تقریبا پانچ لاکھ روپے کی رقم چھین کر فرار ہو گئے۔

سرشام ڈکیتی کی دلیرانہ واردات پر انجمن تاجران نے شدید احتجاج کرتے ہوئے بتایا کہ شہری اور دکاندار ڈکیتی،راہزنی اور چوری کی بڑھتی ہوئی وارداتوں پر عدم تحفظ کا شکار ہیں انہوں نے مطالبہ کیا کہ پولیس چوری، راہزنی اور ڈکیتی کی وارداتیں میں ملوث ملزمان کو گرفتار کر کے مسروقہ مال مالکان کو واپس دلایا جائے اور شہریوں ، دکانداروں کو جان و مال کا تحفظ فراہم کرنے کے لئے موثر اقدامات کئے جائیں۔