مریم نواز کو باہر جانے کے لئے عدالت سے رجوع کرنا ہوگا ، بیرسٹرعلی ظفر

ای سی ایل سے نام نکالنے کا فیصلہ کابینہ کاہوتا ہے، نوازشریف بیمارہیں تو سیکیورٹی جمع کرانی چاہیے، انٹرویو

بدھ 13 نومبر 2019 14:42

اسلام آباد(اُردو پوائنٹ اخبارتازہ ترین - این این آئی۔ 13 نومبر2019ء) قانونی ماہر بیرسٹرعلی ظفر نے کہا ہے کہ سیکیورٹی ضمانت کا کوئی قانون موجود نہیں ہے، نوازشریف سیکیورٹی ضمانت کو چیلنج کرسکتے ہیں ، مریم نواز کو باہر جانے کے لئے عدالت سے رجوع کرنا ہوگا۔ایک انٹرویومیں انہوںنین کہاکہ ای سی ایل سے نام نکالنے کا فیصلہ کابینہ کاہوتا ہے، نوازشریف بیمارہیں تو سیکیورٹی جمع کرانی چاہیے۔

(جاری ہے)

بیرسٹرعلی ظفر نے کہا کہ سیکیورٹی ضمانت کا کوئی قانون موجود نہیں ہے، نوازشریف سیکیورٹی ضمانت کو چیلنج کرسکتے ہیں، دوسرا آپشن یہ ہے کہ نوازشریف عدالت چلے جائیں۔انھوں نے کہا کہ مریم نواز کو باہر جانے کے لئے عدالت سے رجوع کرنا ہوگا، لاہور اور اسلام آباد ہائی کورٹس نے باہر جانے پر کوئی شرط نہیں لگائی ، آٹھ ہفتے مکمل ہونے پر مزید وقت دینیکی ذمہ داری بھی کابینہ پر ہے۔گذشتہ روز بیرسٹر علی ظفر نے کہا کہ عدالت ضمانت پر رہائی دے تو وہ شخص بیرون ملک جاسکتاہے، ہائی کورٹ نے واضح طور پر سزا معطل کر کے ضمانت دی ہے، کابینہ کو ہائی کورٹ یا سپریم کورٹ نے کوئی ہدایت نہیں دی ہے۔