سکھ یاتری بھارت سے پاکستان ٹماٹروں کا تحفہ لے آئے

ہمیں اندازہ ہے کہ پاکستان میں ٹماٹر بہت مہنگا ہے،ہم پاکستانی بھائیوں کی مشکل آسان کرنے کے لیے ٹماٹر بطرو تحفہ لے آئے۔ سکھ یاتری کی گفتگو

Muqadas Farooq مقدس فاروق اعوان جمعہ دسمبر 12:31

سکھ یاتری بھارت سے پاکستان ٹماٹروں کا تحفہ لے آئے
لاہور (اُردو پوائنٹ اخبارتازہ ترین۔ 06 دسمبر2019ء) پاکستان نے سکھ برادری کو کرتارپور راہداری کا تحفہ دیا تو سکھ یاتری بھی پاکستان کے لیے ٹماٹروں کا تحفہ لے آئے۔تفصیلات کے مطابق پاکستان میں گذشتہ دنوں ٹماٹر کی قیمت 400روپے تک پہنچ گئی تھی۔پاکستان کے کئی شہروں میں ٹماٹر 240سے 300روپے میں فی کلو فروخت ہوتا رہا۔پاکستانیوں کی مشکلات دیکھتے ہوئے سکھ برادری نے بھی پاکستانی بھائیوں کی مشکل حل کرنے کی ٹھانی۔

کرتاپور آنے والے سکھ مہنگائی کے ستائے پاکستانیوں کے لیے ٹماٹر بطور تحفہ اپنے ساتھ لے آئے۔کرتاپور رہداری کے زریعے باباکروناننگ آنے والے سکھ یاتری اپنے ساتھ ٹماٹروں کے علاوہ لہسن،ادرک اور پیاز بھی لے آئے۔ان کا کہنا تھا کہ یہ سب سبزیاں لنگر کی تیاری میں بھی استعمال ہوں گی۔

(جاری ہے)

سکھ یاتریوں کا کہنا ہے کہ یہاں ٹماٹر 400روپے کلو مل رہا ہے،ہمیں اپنے بھائیوں کی مشکلات کا اندازہ ہے یہی وجہ ہے کہ ہم ٹماٹر اپنے ساتھ لائےہیں۔

اس موقع پر کئی ممالک سے آئے ہوئے سکھ یاتریوں نے ایک بار پھر وزیراعظم عمران خان کا کرتاپور راہداری کھولنے پر شکریہ ادا کیا۔
جب کہ دوسری جانب کہا جا رہا ہے کہ گزشتہ دنوں 400 روپے فی کلو کی سطح تک پہنچ جانے والا ٹماٹر بھی ایک ماہ پرانی قیمت پر واپس آ گیا ہے۔ جبکہ ٹماٹر کے علاوہ پیاز اور آلو کی قیمت میں بھی معمولی کمی ریکارڈ کی گئی ہے۔

سرکاری ریٹ لسٹ کے مطابق ٹماٹر کی قیمت 135 روپے فی کلو پر آ گئی۔ ٹماٹر کی سرکاری قیمت ایک ماہ میں 400 روپے کلو تک پہنچنے کے بعد 135 روپے پر واپس آئی ہے۔ تاہم عام مارکیٹ میں ابھی بھی ٹماٹر سرکاری ریٹ لسٹ کے مطابق دستیاب نہیں ہیں۔ تاہم عام دکانوں پر پھر بھی پہلے کے مقابلے میں کمی آئی ہے اور ٹماٹر اب 160 روپے فی کلو تک مل رہا ہے۔ پیاز کی قیمت میں بھی معمولی کمی ہوئی اور کئی روز سے 75 روپے فی کلو کی سطح پر برقرار رہنے کے بعد سرکاری ریٹ لسٹ میں2 روپے کمی سے 73 روپے پر آگیا ہے۔