Live Updates

چینی صدر کا ملائشیاکے وزیر اعظم سے ٹیلی فونک رابطہ ،

کورونا وائرس ، دی بیلٹ اینڈ روڈ منصوبے پر تبادلہ خیال

جمعہ فروری 13:57

چینی صدر کا ملائشیاکے وزیر اعظم سے ٹیلی فونک رابطہ ،
بیجنگ (اُردو پوائنٹ اخبارتازہ ترین - اے پی پی۔ 14 فروری2020ء) چین کے صدر شی جن پنگ نے ملائشین وزیر اعظم مہاتیر بن محمد کے ساتھ ٹیلی فون پر بات چیت کی۔شی جن پنگ نے کہا کہ کورونا وائرس کی وباء کے خلاف اس کڑے وقت میں وزیراعظم نے مجھ سے ٹیلی فون پر بات چیت کرنے کی پیش کش کی، جس سے ملائشیا کی جانب سے چین کے لئے دوستی اور حمایت کی عکاسی ہوتی ہے۔فریقین کو وباء کے خلاف جدوجہد کے ساتھ ساتھ دونوں ممالک کے تعلقات خاص طور پر دی بیلٹ اینڈ روڈ کی مشترکہ تعمیر کے تعاون کو گہرائی تک لے جاناچاہیے۔

شی جن پنگ نے اس بات پرزور دیا کہ چینی حکومت کی رہنمائی میں چینی عوام ضرور وباء کے خلاف فتح حاصل کریں گے اور وباء کے منفی اثرات کو کم کر کے چینی معیشت کی ترقی کو برقرار رکھتے ہوئے رواں سال کے لئے طے شدہ ترقی کے ہدف کو پورا کرنے کی کوشش کریں گے۔

(جاری ہے)

شی جن پنگ نے کہا کہ چین کی جانب سے وبا کی روک تھام اور کنڑول کے لئے سخت اقدامات نہ صرف چین کے اپنے عوام کی صحت کے لئے مفید ہیں بلکہ ہم عالمی صحت عامہ کے شعبے میں بھی اپنی خدمات سرانجام دے رہے ہیں، ہم وباء کی روک تھام اور کنٹرول کے لئے بین الاقوامی تعاون کو مضبوط بنائیں گے، چین عالمی برادری کی جانب سے صورت حال کو سمجھنے اور چین کے لئے حمایت کے اظہار کو قدر کی نظر سے دیکھتا ہے۔

ملائیشین وزیر اعظم مہاتیر بن محمد نے ملائیشین حکومت کی طرف سے چینی حکومت اور عوام کو کورونا وائرس کا سامنا کرنے پر دکھ کا اظہار کیا۔انہوں نے کہا کہ ملائیشیا کو یقین ہے کہ صدر شی جن پنگ کی قیادت میں چینی عوام ضرور وباء کے خلاف جنگ جیتیں گے اور چین کی ترقی بھی معمول پر واپس آئے گی۔
کرونا وائرس کی دہشت سے متعلق تازہ ترین معلومات