لیگی اراکین کا نواز شریف کو ضمانت میں توسیع نہ دینے پر پنجاب اسمبلی میں شور شرابہ ،واک آئوٹ
،پنجاب اسمبلی کی سیڑھیوں پر مظاہرہ ایسی کوئی رپورٹس جمع نہیں کرائی گئیں جس پر ضمانت میں توسیع کا فیصلہ کیا جا سکے، عدالت سے رجوع کر لیں ‘ وزیر قانون راجہ بشارت کبڈی ٹیم کو ورلڈ کپ جیتنے پر خراج تحسین پیش کرنے کی قرارداد منظور، اپوزیشن کی ریکوزیشن پر بلایا گیا اجلاس غیر معینہ مدت تک ملتوی
منگل 25 فروری 2020 21:48
(جاری ہے)
اجلاں کے آغاز پر ہی لیگی ارکان نے حکومت کی جانب سے سابق وزیراعظم نواز شریف کی ضمانت میں توسیع نہ کرنے پر احتجاج کرتے ہوئے اسے سیاسی انتقام قرار دیا۔رانا محمد اقبال نے نکتہ اعتراض پر بات کرتے ہوئے کہا کہ نواز شریف کی بیماری کا مذاق اڑایا گیا ،کابینہ میں بیٹھے اراکین کو خیال ہونا چاہیے بیمار شخص باہر سے اپنی بیماری کی تمام تفصیلات بھیج رہا ہے ،نواز شریف کی ضمانت مسترد کرکے غلط فیصلہ کیا گیا ہے۔
اس موقع پر لیگی اراکین نے ایوان میں شور شرابا شروع کردیا۔سمیع اللہ خان نے کہا کہ پنجاب مہنگائی کی لہر کا شکار ہے ،امن و امان کی بدتر صورتحال ہے ،ہر شہر گندگی کے ڈھیر میں بدل گیا ہے ،مقام افسوس ہے کہ کابینہ نے 12 کروڑ افراد کی زندگیوں میں آسانیاں لانے کہ بجائے سیاسی فیصلہ کیا ،پنجاب کے وزرا ء کا سارا مدعا یہ تھا کہ نواز شریف ہسپتال میں داخل نہیں ہوئے اگر نواز شریف ہسپتال میں داخل ہوتے تو کیا یہ اس پر سیاست نا کرتے دو سال قبل محترمہ کلثوم نواز کینسر کے مرض میں مبتلا ہو کر لندن گئیں اور ہسپتال میں داخل ہوئیں ،عمران خان اور دوسرے درجے کی قیادت تک بیان اٹھا کر دیکھ لیں اس وقت بھی بات صرف بیان بازی تک نہ رہی بلکہ پی ٹی آئی کے غنڈے ہسپتال میں داخل ہوئے اور شریف فیملی کو ہراساں کرتے رہے،نواز شریف بیمار ہیں یہ رپورٹ دیکھ کر بھی عمران نے اپنے ڈاکٹر سے رابطہ کیا،وزیر صحت جو ماضی میں پریس کانفرنسیںکرتی رہی ہیں انہوں نے کہا کہ عمران خان نے اپنے ہسپتال کے ڈاکٹر سے نواز شریف کی بیماری کی تصدیق کی ہے ، یہ پی ٹی آئی کے لوگوں کا ظرف ہے ،پنجاب کابینہ کا کا فیصلہ تاریخ کا بدترین فیصلہ ہے۔ وزیر قانون راجہ بشارت نے کہا کہ کابینہ نے ذاتی حیثیت میں کوئی فیصلہ کیا اور نا ہی یہ سیاسی فیصلہ ہے ،عدالت کی جانب سے نواز شریف کو 8 ہفتے کے لیے باہر جا کر علاج کروانے کہ اجازت دی گئی تھی ،فیصلے کے مطابق پنجاب حکومت ضمانت میں فیصلے پر نظر ثانی کا اختیار رکھتی ہے ۔عدالت کی اجازت کے علاوہ مزید 8ہفتے گزر گئے ہیں ،پنجاب حکومت نے نواز شریف کے معالج سے رابطہ کیا جس پر ہمیں میڈیکل رپورٹس بھجوائی گئیں ان پر غور کرنے کے لیے پنجاب حکومت نے کمیٹی بنا دی، ڈاکٹر عدنان نے کہا کہ ابھی نواز شریف کے علاج ختم ہونے سے متعلق حتمی تاریخ نہیں دی جا سکتی، کسی ایک شخص کو مسلم لیگ (ن) کے ادوار میں علاج کے لیے بیرون ملک جانے کی اجازت نہیں ملی، آئین کہتا ہے سب کو یکساں حقوق حاصل ہیں، پی ٹی آئی کی صفوں میں شدید تحفظات تھے کہ نواز شریف کو لندن جانے کی اجازت کیوں دی گئی، وزیراعظم کی ذاتی مداخلت پر نواز شریف کو اجازت دی گئی، اگر پنجاب حکومت کا فیصلہ غلط لگتا ہے تو (ن) لیگ عدالت سے رجوع کرے، پنجاب حکومت کا فیصلہ آئینی اور قانونی ہے۔ مسلم لیگ (ن) کے ملک احمد خان نے خطاب کرتے ہوئے کہا کہ ہم نے پنجاب حکومت کو بتایا کہ ڈاکٹرز نے کہا ہے کہ ابھی فوری سرجری نہیں ہو سکتی،کیا یہاں بیٹھا بورڈ فیصلہ کرے گا کہ علاج کیسے ہونا ہے، حتمی تاریخ اس لیے نہیں دی جا سکتی کہ ابھی ٹیسٹ چل رہے ہیں، کون سا ایسا مریض ہے جس کو بون میرو ہو اور اس کی سرجری کر دی جائے، حکومت چاہتی ہے کہ ان کی مرضی سے نواز شریف کا علاج ہو، کوئی ڈاکٹر بتا دے کہ مریض میں اسٹنٹس ہوں اور اس کو پیٹ اسکین سے گزارا جائے،یہ فاشسٹ حکومت ہے ،ہم اس کے فیصلے پر احتجاج کرتے ہیں۔ وزیر قانون راجہ بشارت نے کہا کہ ڈاکٹر عدنان کے ساتھ ہوئی ہر بات ریکارڈ کا حصہ ہے، ابھی علاج کا پروسیجر لائن اپ نہیں کیا،8 ہفتے عدالت نے دئیے اور 8 ہفتے حکومت نے دئیے، ہم اس معاملے پر سیاست نہیں کرنا چاہتے،عدالت مسلم لیگ (ن) کے حق میں فیصلہ دے تو ہمیں کوئی اعتراض نہیں۔اس دوران سپیکر چوہدری پرویز الٰہی بار بار مداخلت پر پی ٹی آئی کی رکن طلعت نقوی پر برہمی کا اظہار کرتے پورے سیشن سے معطل کرنے کی وارننگ دیدی۔ سپیکر نے کہا کہ جب اجازت دی جائے تو بولا جائے جب تک چیئر کی طرف سے اجازت نہ دی جائے مت بولیں۔ملک محمد احمد نے کہا کہ آئین پاکستان کابینہ کے فیصلے کے بارے میں ہائوس کوپوچھنے کی اجازت دیتا ہے ،ہمیں نہیں بتایا جا رہا اس لئے ہم ایوان سے واک آئوٹ کرتے ہیں جس کے بعد اپوزیشن ایوان سے واک آئوٹ کر گئی اور سپیکر نے اجلاس کی کاروائی جاری رکھی ۔ ورلڈ کپ جیتنے پر قومی ٹیم کو خراج تحسین اور قوم کو مبارکباد پیش کرنے کی قرارداد کی منظوری کے بعد ایجنڈا مکمل ہونے پر اجلاس غیر معینہ مدت کے لیے ملتوی کر دیاگیا۔مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.