تعطیلات ،جامعہ کراچی کے طلبہ وطالبات کیلئے آن لائن کلاسز کا آغاز

کراچی(اُردو پوائنٹ اخبارتازہ ترین - آن لائن۔ 04 مارچ2020ء) جامعہ کراچی کے شعبہ پبلک ایڈمنسٹریشن کے طلبہ وطالبات تعطیلات کے دوران تدریس جاری رکھنے کا حل نکال لیا اور آن لائن کلاسز کا آغاز کر دیا ہے۔تفصیلات کے مطابق کرونا وائرس کے باعث تعلیمی اداروں میں تعطیلات کے پیش نظر جامعہ کراچی کے شعبہ پبلک ایڈمنسٹریشن نے تدریس جاری رکھنے کا حل نکال لیا اوشعبہ پبلک ایڈمنسٹریشن میں آئن لان کلاسز کا آغاز کر دیا ہے۔

سوشل میڈیا ٹول کے ذریعے جامعہ کراچی میں آئن لائن کلاسز کا سلسلہ جاری ہے، پبلک ایڈمنسٹریشن کے طلبہ کو آن لائن تعلیم فراہم کرنے کے لئے شعبہ پبلک ایڈمنسٹریشن میں ڈاکٹر مصطفی حیدر نے آن لائن گروپ بنا کر بی ایس کے طلبہ کو لکیچر دیتے ہیں۔اساتذہ کا کہنا ہے کہ سوشل میڈیاٹول کو مثبت انداز میں استعمال کیا جاسکتا ہے، صبح کے اوقات میں نوبجے کلاس کا آن لائن کلاس شروع کی جاتی ہے جبکہ شام کے اوقات مذکورہ ٹیچر گھر سے آن لائن کا سلسلہ جاری رکھتے ہیں۔

(جاری ہے)

آن لائن کلاسز کا مقصد شعبہ پبلک ایڈمنسٹریشن کے طلبہ کوسیلیبس کی برقت تکمیل میں معاونت فراہم کرنا ہے جبکہ دیگر شعبہ جات میں اس ہی طریقہ کار پر عمل کیا جارہا ہے۔خیال رہے سندھ حکومت کی جانب سے کرونا وائرس کے پھیلاؤ کو روکنے کے تعلیمی اداروں میں 13 مارچ تک تعطیلات کا اعلان کیا ہے۔یاد رہے شہر قائد میں کروناوائرس سے متاثر 22سالہ نوجوان جامعہ کراچی کا طالبعلم نکلا تھا، جس کے بعد ساتھی طلبامیں تشویش کی لہر دوڑ گئی ہے ، بیرون ملک سیکراچی پہنچنیکیبعدطالبعلم نیجامعہ کراچی میں کلاسیں لی تھی۔